ਫਰੈਂਡਜ਼ ਕਲੱਬ ਫਰੀਦਕੋਟ ਦੇ ਮੈਂਬਰਾਂ ਨੇ ਸੁਧੀਰ ਛਾਬੜਾ ਦੀ ਅਗਵਾਈ ਵਿੱਚ ਕਾਲੀ ਮਾਤਾ ਮੰਦਰ ਤੇ ਗੁਰਦੁਆਰਾ ਦੂਖ ਨਿਵਾਰਨ ਸਾਹਿਬ ਪਟਿਆਲਾ ਵਿਖੇ ਦਰਸ਼ਨ ਕੀਤੇ

ਫਰੀਦਕੋਟ ਵਿੱਚ ਸਮਾਜ ਭਲਾਈ ਦੇ ਕੰਮਾਂ ਲਈ ਜਾਣਿਆ ਜਾਣ ਵਾਲਾ ਫਰੈਂਡਜ਼ ਕਲੱਬ ਆਪਣੇ ਮੈਂਬਰਾਂ ਦੇ ਸਾਥ ਨਾਲ ਸੁਧੀਰ ਛਾਬੜਾ ਦੀ ਅਗਵਾਈ ਵਿੱਚ ਕਾਲੀ ਮਾਤਾ ਮੰਦਰ ਤੇ ਗੁਰਦੁਆਰਾ ਦੂਖ ਨਿਵਾਰਨ ਸਾਹਿਬ ਪਟਿਆਲਾ ਵਿਖੇ ਧਾਰਮਿਕ ਯਾਤਰਾ 'ਤੇ ਗਿਆ। ਕਲੱਬ ਦੇ ਮੈਂਬਰ ਮਾਤਾ ਦੇ ਗੁਣ ਗਾਇਨ ਕਰਦੇ ਹੋਏ ਮੰਦਰ ਪਹੁੰਚੇ ਅਤੇ ਮਾਤਾ ਦਾ ਅਸ਼ੀਰਵਾਦ ਪ੍ਰਾਪਤ ਕੀਤਾ।

ਇਸ ਮੌਕੇ ਕਲੱਬ ਦੇ ਮੈਂਬਰਾਂ ਨੂੰ ਮਾਤਾ ਦੇ ਭਗਤਾਂ ਵੱਲੋਂ ਸਿਰੋਪਾ ਪਾ ਕੇ ਸਨਮਾਨਿਤ ਕੀਤਾ ਗਿਆ। ਮੰਦਰ ਦੇ ਪੁਜਾਰੀ ਵੱਲੋਂ ਵੀ ਉਨ੍ਹਾਂ ਨੂੰ ਫੁੱਲਾਂ ਦੇ ਹਾਰ ਪਾ ਕੇ ਸਨਮਾਨ ਦਿੱਤਾ ਗਿਆ। ਬਾਅਦ ਵਿੱਚ ਸਾਰੇ ਮੈਂਬਰਾਂ ਨੇ ਗੁਰਦੁਆਰਾ ਸਾਹਿਬ ਦੂਖ ਨਿਵਾਰਨ ਸਾਹਿਬ ਵਿੱਚ ਦਰਸ਼ਨ ਕੀਤੇ ਅਤੇ ਕੀਰਤਨ ਸਰਵਣ ਵਿੱਚ ਭਾਗ ਲਿਆ। ਉੱਥੇ ਗੁਰੂ ਦੀ ਹਾਜ਼ਰੀ ਭਰ ਕੇ ਸਰਬੱਤ ਦੇ ਭਲੇ ਦੀ ਅਰਦਾਸ ਕੀਤੀ ਗਈ।

ਧਾਰਮਿਕ ਯਾਤਰਾ ਵਿੱਚ ਸੁਧੀਰ ਛਾਬੜਾ, ਗੁਲਸ਼ਨ ਖੰਨਾ, ਦੀਪਕ ਕੁਮਾਰ ਮੋਂਗਾ, ਵਿਜੈ ਕੁਮਾਰ ਜੈਨ, ਦੀਪਾ, ਚੰਦਪਾਲ ਪਾਲੀ, ਭੋਲਾ ਸਿੰਘ, ਕੇ.ਪੀ.ਸਿੰਘ ਸਰਾਂ, ਰਜਨੀਸ਼ ਸ਼ਰਮਾ, ਅਜੈ ਬਾਂਸਲ ਸੇਵਾਮੁਕਤ ਐਕਸੀਅਨ, ਹੈਪੀ ਗੁਪਤਾ, ਕੀਮਤੀ ਖੰਨਾ, ਰੋਸ਼ਨ ਗੋਇਲ ਅਤੇ ਰੋਸ਼ਨ ਸੱਚਦੇਵਾ ਆਦਿ ਸ਼ਾਮਲ ਰਹੇ।

ਇਹ ਯਾਤਰਾ ਸੰਗਤਾਂ ਵਿੱਚ ਭਗਤੀ ਅਤੇ ਸਮਾਜਕ ਏਕਤਾ ਦਾ ਪ੍ਰਤੀਕ ਬਣੀ, ਜਿਸ ਨਾਲ ਸਮਾਜਿਕ ਸੇਵਾ ਅਤੇ ਧਾਰਮਿਕ ਭਾਵਨਾਵਾਂ ਨੂੰ ਮਜ਼ਬੂਤੀ ਮਿਲੀ ਹੈ।