1983 ਦੇ ਦੋਸਤਾਂ ਦੀ ਯਾਦਗਾਰ ਪਰਿਵਾਰਕ ਮਿਲਣੀ, “ਬੜੇ ਚੇਤੇ ਆਉਂਦੇ ਨੇ ਯਾਰ” ਦੇ ਗੀਤ ਨਾਲ ਭਰਪੂਰ ਮਹਿਫਲ

ਫਰੀਦਕੋਟ: ਬੀਤੇ ਦਿਨ ਇੰਜੀਨੀਅਰ ਬਲਤੇਜ ਸਿੰਘ ਜੌੜਾ ਨੇ 1983 ਵਿੱਚ ਪੜ੍ਹਦੇ ਦੋਸਤਾਂ ਦੀ ਇੱਕ ਯਾਦਗਾਰ ਪਰਿਵਾਰਕ ਮਿਲਣੀ ਆਯੋਜਿਤ ਕੀਤੀ। ਇਹ ਮਿਲਣੀ ਸਥਾਨਕ ਆਫੀਸਰ ਕਲੱਬ ਫਰੀਦਕੋਟ ਵਿੱਚ ਹੋਈ, ਜਿੱਥੇ ਸਾਰੇ ਦੋਸਤਾਂ ਨੇ ਆਪਣੀਆਂ ਯਾਦਾਂ ਤਾਜ਼ਾ ਕੀਤੀਆਂ ਅਤੇ ਆਪਣੀ ਦੋਸਤੀ ਦੀ ਮਿਠਾਸ ਨੂੰ ਮੁੜ ਜਿਵੇਂ ਜਿਉਂਦਾ ਕੀਤਾ।

ਮਿਲਣੀ ਦੀ ਸ਼ੁਰੂਆਤ ਬਲਤੇਜ ਸਿੰਘ ਜੌੜਾ ਨੇ ਪਰਿਵਾਰਕ ਸਦੱਸਾਂ ਸਮੇਤ ਸਾਰੇ ਦੋਸਤਾਂ ਦਾ ਜੀ ਆਇਆਂ ਨੂ ਕਿਹਾ। ਇਸ ਮੌਕੇ ਤੇ ਦਵਿੰਦਰ ਸਿੰਘ ਨੇ ਪੰਜਾਬ ਮੋਟਰਜ਼ ਵੱਲੋਂ ਸਮਾਜ ਸੇਵਾ ਦੇ ਕੰਮਾਂ ਬਾਰੇ ਜਾਣਕਾਰੀ ਦਿੱਤੀ। ਡਾ. ਰਾਜੀਵ ਭੰਡਾਰੀ, ਸੀਨੀਅਰ ਮੈਡੀਕਲ ਅਫਸਰ ਨੇ ਸਿਹਤ ਸੰਬੰਧੀ ਮੁੱਦਿਆਂ ਤੇ ਇਲਾਜ ਬਾਰੇ ਵਰਣਨ ਕੀਤਾ। ਮੈਡਮ ਸੰਤੋਸ਼ ਕੁਮਾਰੀ ਨੇ ਪਰਿਵਾਰ ਵਿੱਚ ਔਰਤਾਂ ਦੇ ਯੋਗਦਾਨ ਨੂੰ ਸਲਾਹਿਆ ਅਤੇ ਭਾਰਤ ਵਿਕਾਸ ਪ੍ਰੀਸ਼ਦ ਦੇ ਪ੍ਰਧਾਨ ਰਾਕੇਸ਼ ਕੁਮਾਰ ਕਟਾਰੀਆਂ ਨੇ ਸਮਾਜਿਕ ਸਿੱਖਿਆ ਲਈ ਆਪਣੀ ਜਥੇਬੰਦੀ ਦੀਆਂ ਕੋਸ਼ਿਸ਼ਾਂ ਬਾਰੇ ਦੱਸਿਆ।

ਮਿਲਣੀ ਦੌਰਾਨ ਦੋਸਤਾਂ ਨੇ ਦਿਲ ਦੇ ਜਜ਼ਬਾਤਾਂ ਨੂੰ ਸਾਂਝਾ ਕੀਤਾ ਅਤੇ ਸੰਗੀਤ ਅਤੇ ਗੀਤਾਂ ਦੀ ਮਹਿਫਲ ਸਜਾਈ। ਆਖਰ ਵਿੱਚ ਸਾਰੇ ਦੋਸਤਾਂ ਨੇ ਡਿਨਰ ਦਾ ਆਨੰਦ ਮਾਣਿਆ ਅਤੇ ਫਿਰ ਮਿਲਣ ਦੇ ਵਾਅਦੇ ਕੀਤੇ।

ਇਸ ਮਿਲਣੀ ਵਿੱਚ ਡਿਪਟੀ ਸਿੰਘ, ਸੁਰਜੀਤ ਸਿੰਘ, ਰਾਜੇਸ਼ ਹਜੂਰਾ, ਹਿੰਮਤ ਕੁਮਾਰ, ਸਵਰਨ ਸਿੰਘ, ਕੁਲਦੀਪ ਸਿੰਘ, ਕਸ਼ਮੀਰ ਸਿੰਘ, ਬਲਬੀਰ ਸਿੰਘ, ਦਰਸ਼ਨ ਲਾਲ ਅਤੇ ਦੀਪਕ ਕਾਲੀਆਂ ਵੀ ਹਾਜ਼ਰ ਸਨ।

ਇੰਜੀਨੀਅਰ ਬਲਤੇਜ ਸਿੰਘ ਮਠਾੜੂ ਨੇ ਸਾਰੇ ਦੋਸਤਾਂ ਦਾ ਧੰਨਵਾਦ ਕੀਤਾ ਅਤੇ ਐਸਾ ਸਮਾਂ ਮੁੜ ਆਉਣ ਦੀ ਅਸਾ ਜ਼ਾਹਰ ਕੀਤੀ।