Meta Subscription Plans : ਹੁਣ WhatsApp, Facebook ਤੇ Instagram ਲਈ ਦੇਣੇ ਪੈਣਗੇ ਪੈਸੇ, Meta ਨੇ ਲਾਂਚ ਕੀਤੇ ਨਵੇਂ ਪੇਡ ਪਲਾਨ

WhatsApp, Facebook ਅਤੇ Instagram ਵਰਤਣ ਵਾਲਿਆਂ ਲਈ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਦੁਨੀਆ ਦੀ ਮਸ਼ਹੂਰ ਟੈਕ ਕੰਪਨੀ Meta ਨੇ ਆਪਣੇ ਯੂਜ਼ਰਾਂ ਲਈ ਨਵੇਂ ਪੇਡ ਸਬਸਕ੍ਰਿਪਸ਼ਨ ਪਲਾਨ ਲਾਂਚ ਕਰਨ ਦਾ ਐਲਾਨ ਕੀਤਾ ਹੈ। ਕੰਪਨੀ ਵੱਲੋਂ ਇਨ੍ਹਾਂ ਨਵੀਆਂ ਸੇਵਾਵਾਂ ਨੂੰ “Meta One” ਦੇ ਨਾਮ ਹੇਠ ਪੇਸ਼ ਕੀਤਾ ਜਾ ਰਿਹਾ ਹੈ। ਇਹ ਪਲਾਨ ਭਾਰਤ ਸਮੇਤ ਦੁਨੀਆ ਭਰ ਦੇ ਯੂਜ਼ਰਾਂ ਲਈ ਉਪਲਬਧ ਹੋਣਗੇ।

Meta ਵੱਲੋਂ ਲਾਂਚ ਕੀਤੇ ਜਾ ਰਹੇ ਇਹ ਪਲਾਨ ਖ਼ਾਸ ਤੌਰ ‘ਤੇ ਉਹਨਾਂ ਯੂਜ਼ਰਾਂ ਲਈ ਹਨ ਜੋ ਸੋਸ਼ਲ ਮੀਡੀਆ ਨੂੰ ਹੋਰ ਪ੍ਰੋਫੈਸ਼ਨਲ ਅਤੇ ਨਿੱਜੀ ਤਜਰਬੇ ਨਾਲ ਵਰਤਣਾ ਚਾਹੁੰਦੇ ਹਨ। ਇਨ੍ਹਾਂ ਵਿੱਚ ਕ੍ਰਿਏਟਰ, ਕਾਰੋਬਾਰੀ ਪੇਸ਼ੇਵਰ ਅਤੇ AI ਫੀਚਰ ਵਰਤਣ ਵਾਲੇ ਯੂਜ਼ਰਾਂ ਲਈ ਵੱਖ-ਵੱਖ ਸੁਵਿਧਾਵਾਂ ਸ਼ਾਮਲ ਕੀਤੀਆਂ ਗਈਆਂ ਹਨ।

ਕੰਪਨੀ ਮੁਤਾਬਕ Instagram Plus ਅਤੇ Facebook Plus ਸਬਸਕ੍ਰਿਪਸ਼ਨ ਦੀ ਕੀਮਤ 3.99 ਡਾਲਰ ਪ੍ਰਤੀ ਮਹੀਨਾ ਹੋ ਸਕਦੀ ਹੈ, ਜੋ ਭਾਰਤੀ ਕਰੰਸੀ ਮੁਤਾਬਕ ਲਗਭਗ 382 ਰੁਪਏ ਬਣਦੀ ਹੈ। ਜਦਕਿ WhatsApp Plus ਦੀ ਕੀਮਤ 2.99 ਡਾਲਰ ਪ੍ਰਤੀ ਮਹੀਨਾ, ਯਾਨੀ ਲਗਭਗ 287 ਰੁਪਏ ਹੋ ਸਕਦੀ ਹੈ।

Instagram Plus ਵਿੱਚ ਯੂਜ਼ਰਾਂ ਨੂੰ ਕਈ ਨਵੇਂ ਅਤੇ ਐਡਵਾਂਸ ਫੀਚਰ ਮਿਲ ਸਕਦੇ ਹਨ। ਇਸ ਵਿੱਚ ਸਟੋਰੀ ਕਿੰਨੀ ਵਾਰ ਦੁਬਾਰਾ ਵੇਖੀ ਗਈ, ਇਸ ਦੀ ਜਾਣਕਾਰੀ ਮਿਲੇਗੀ। ਇਸ ਤੋਂ ਇਲਾਵਾ Close Friends ਤੋਂ ਇਲਾਵਾ ਕਸਟਮ ਆਡੀਅਂਸ ਲਿਸਟ ਬਣਾਉਣ, ਸਟੋਰੀ ਨੂੰ Spotlight ਕਰਨ, 24 ਘੰਟਿਆਂ ਤੋਂ ਵੱਧ ਸਮੇਂ ਲਈ ਸਟੋਰੀ ਰੱਖਣ ਅਤੇ Anonymous Story Viewing ਵਰਗੀਆਂ ਸੁਵਿਧਾਵਾਂ ਵੀ ਦਿੱਤੀਆਂ ਜਾ ਸਕਦੀਆਂ ਹਨ।

ਇਸ ਦੇ ਨਾਲ ਯੂਜ਼ਰ ਆਪਣੀ ਪ੍ਰੋਫਾਈਲ ਨੂੰ ਵੱਖ-ਵੱਖ ਫੌਂਟਸ ਅਤੇ ਕਸਟਮ ਆਈਕਨ ਨਾਲ ਕਸਟਮਾਈਜ਼ ਵੀ ਕਰ ਸਕਣਗੇ। Highlights ਵਿੱਚ ਸਿੱਧੀਆਂ ਪੋਸਟਾਂ ਜੋੜਨ ਅਤੇ Super Heart Story Reactions ਵਰਗੇ ਨਵੇਂ ਫੀਚਰ ਵੀ ਮਿਲ ਸਕਦੇ ਹਨ।

Facebook Plus ਵਿੱਚ ਵੀ Instagram ਵਰਗੇ Profile Customization Tools, Audience Insights ਅਤੇ Engagement Features ਸ਼ਾਮਲ ਕੀਤੇ ਜਾ ਸਕਦੇ ਹਨ। ਇਹ ਪਲਾਨ ਖ਼ਾਸ ਤੌਰ ‘ਤੇ Content Creators ਅਤੇ Professional Users ਲਈ ਲਾਭਦਾਇਕ ਮੰਨੇ ਜਾ ਰਹੇ ਹਨ।

ਉੱਧਰ WhatsApp Plus ਵਿੱਚ Themes ਬਦਲਣ, Custom Ringtones ਸੈੱਟ ਕਰਨ, ਵੱਧ Chats Pin ਕਰਨ ਅਤੇ Premium Stickers ਵਰਗੀਆਂ ਸੁਵਿਧਾਵਾਂ ਦਿੱਤੀਆਂ ਜਾ ਸਕਦੀਆਂ ਹਨ। ਇਸ ਨਾਲ ਯੂਜ਼ਰ ਆਪਣੇ Messaging Experience ਨੂੰ ਹੋਰ ਨਿੱਜੀ ਅਤੇ ਆਕਰਸ਼ਕ ਬਣਾ ਸਕਣਗੇ।

ਰਿਪੋਰਟਾਂ ਮੁਤਾਬਕ Meta One Plus ਦੀ ਕੀਮਤ 7.99 ਡਾਲਰ ਪ੍ਰਤੀ ਮਹੀਨਾ ਅਤੇ Meta One Premium ਦੀ ਕੀਮਤ 19.99 ਡਾਲਰ ਪ੍ਰਤੀ ਮਹੀਨਾ ਹੋ ਸਕਦੀ ਹੈ। ਇਹ ਪਲਾਨ ਖ਼ਾਸ ਤੌਰ ‘ਤੇ ਉਹਨਾਂ ਲੋਕਾਂ ਲਈ ਤਿਆਰ ਕੀਤੇ ਗਏ ਹਨ ਜੋ Meta AI ਦੇ ਐਡਵਾਂਸ ਫੀਚਰਾਂ ਦੀ ਵੱਧ ਵਰਤੋਂ ਕਰਦੇ ਹਨ।

Meta ਦੇ ਇਸ ਫੈਸਲੇ ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਵਿੱਚ ਇੱਕ ਵੱਡੇ ਬਦਲਾਅ ਵਜੋਂ ਦੇਖਿਆ ਜਾ ਰਿਹਾ ਹੈ। ਹੁਣ ਆਉਣ ਵਾਲੇ ਸਮੇਂ ਵਿੱਚ ਯੂਜ਼ਰਾਂ ਨੂੰ ਵਾਧੂ ਅਤੇ ਪ੍ਰੀਮੀਅਮ ਫੀਚਰਾਂ ਲਈ ਮਹੀਨਾਵਾਰ ਭੁਗਤਾਨ ਕਰਨਾ ਪੈ ਸਕਦਾ ਹੈ।