ਮੋਗਾ ‘ਚ ਕੋਹਰੇ ਕਾਰਨ ਭਿਆਨਕ ਸੜਕ ਹਾਦਸਾ: 1 ਦੀ ਮੌਤ, 5 ਗੰਭੀਰ ਜ਼ਖ਼ਮੀ

ਮੋਗਾ ਜ਼ਿਲ੍ਹੇ ਵਿੱਚ ਅੱਜ ਸਵੇਰੇ ਘਣੇ ਕੋਹਰੇ ਕਾਰਨ ਇੱਕ ਦਰਦਨਾਕ ਅਤੇ ਭਿਆਨਕ ਸੜਕ ਹਾਦਸਾ ਵਾਪਰ ਗਿਆ। ਹਾਦਸਾ ਮੋਗਾ–ਕੋਟਈਸੇਖਾ ਮੰਡੀ ਨੇੜੇ ਉਸ ਵੇਲੇ ਹੋਇਆ ਜਦੋਂ ਇਕ ਟਰਾਲਾ, ਦੁੱਧ ਦਾ ਕੈਂਟਰ, ਇਕ ਕਾਰ ਅਤੇ ਮੋਟਰਸਾਈਕਲ ਆਪਸ ਵਿੱਚ ਟਕਰਾਏ।

ਹਾਦਸੇ ਦੇ ਨਤੀਜੇ ਵਜੋਂ ਮੋਟਰਸਾਈਕਲ ਸਵਾਰ ਇੱਕ ਨੌਜਵਾਨ ਦੀ ਮੌਕੇ ‘ਤੇ ਮੌਤ ਹੋ ਗਈ, ਜਦਕਿ ਕਾਰ ਵਿੱਚ ਚਾਰ ਲੋਕ ਗੰਭੀਰ ਤੌਰ ‘ਤੇ ਜ਼ਖ਼ਮੀ ਹੋਏ। ਟਰਾਲਾ ਚਾਲਕ ਵੀ ਵਾਹਨਾਂ ਵਿਚਕਾਰ ਫਸ ਗਿਆ, ਜਿਸਨੂੰ ਕ੍ਰੇਨ ਦੀ ਮਦਦ ਨਾਲ ਬਾਹਰ ਕੱਢਿਆ ਗਿਆ।

ਪ੍ਰਾਪਤ ਜਾਣਕਾਰੀ ਮੁਤਾਬਕ, ਕੋਟਈਸੇਖਾ ਮੰਡੀ ਨੇੜੇ ਧਰਮ ਕਾਂਟੇ ‘ਤੇ ਦੁੱਧ ਕੈਂਟਰ ਵਜ਼ਨ ਕਰਵਾਉਂਦਿਆਂ ਸੜਕ ਵਿੱਚ ਖੜ੍ਹਾ ਹੋ ਗਿਆ। ਇਸ ਦੌਰਾਨ ਘਣੇ ਕੋਹਰੇ ਕਾਰਨ ਕੋਟਈਸੇਖਾ ਵੱਲੋਂ ਆ ਰਹਾ ਬਜਰੀ ਨਾਲ ਭਰਿਆ ਟਰਾਲਾ ਕੈਂਟਰ ਨਾਲ ਟਕਰਾਇਆ ਅਤੇ ਉਸ ਦੇ ਪਿੱਛੇ ਆ ਰਹੀ ਕਾਰ ਵੀ ਹਾਦਸੇ ਵਿੱਚ ਫਸ ਗਈ।

ਮੌਕੇ ‘ਤੇ ਪੁਲਿਸ ਤੁਰੰਤ ਪਹੁੰਚੀ ਅਤੇ ਜ਼ਖ਼ਮੀਆਂ ਨੂੰ ਹਸਪਤਾਲ ਭੇਜਿਆ ਗਿਆ। ਪੁਲਿਸ ਨੇ ਟਰਾਲਾ ਚਾਲਕ ਅਤੇ ਦੁੱਧ ਕੈਂਟਰ ਚਾਲਕ ਖਿਲਾਫ਼ ਮਾਮਲਾ ਦਰਜ ਕਰ ਲਿਆ ਹੈ ਅਤੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।

ਡਿੱਖ ਘੱਟ ਹੋਣ ਕਾਰਨ ਇਹ ਹਾਦਸਾ ਵਾਪਰਿਆ, ਜਿਸ ਨੂੰ ਸਥਾਨਕ ਲੋਕਾਂ ਅਤੇ ਅਧਿਕਾਰੀਆਂ ਵੱਲੋਂ ਸੜਕ ਸੁਰੱਖਿਆ ਦੇ ਮਹੱਤਵ ਦੀ ਇੱਕ ਵੱਡੀ ਚੇਤਾਵਨੀ ਵਜੋਂ ਵੇਖਿਆ ਜਾ ਰਿਹਾ ਹੈ।