ਅਰਸ਼ਦੀਪ ਸਿੰਘ (Arshdeep Singh BCCI Vlog Ban) ‘ਤੇ ਵੱਡਾ ਝਟਕਾ, BCCI ਨੇ ਵੀਡੀਓ ਤੇ ਵਲੌਗ ਬਣਾਉਣ ‘ਤੇ ਲਗਾਈ ਪਾਬੰਦੀ

ਭਾਰਤੀ ਤੇ ਪੰਜਾਬ ਕਿੰਗਜ਼ ਦੇ ਸਟਾਰ ਤੇਜ਼ ਗੇਂਦਬਾਜ਼ ਅਰਸ਼ਦੀਪ ਸਿੰਘ ਨੂੰ ਲੈ ਕੇ ਵੱਡੀ ਖਬਰ ਸਾਹਮਣੇ ਆਈ ਹੈ। ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (BCCI) ਨੇ ਉਸ ਦੇ ਸੋਸ਼ਲ ਮੀਡੀਆ ਵਲੌਗ ਅਤੇ ਵੀਡੀਓ ਬਣਾਉਣ ‘ਤੇ ਰੋਕ ਲਗਾ ਦਿੱਤੀ ਹੈ। ਇਹ ਫੈਸਲਾ IPL 2026 ਦੌਰਾਨ ਹੋਈਆਂ ਕਈ ਵਿਵਾਦਿਤ ਘਟਨਾਵਾਂ ਅਤੇ ਨਿਯਮਾਂ ਦੀ ਕਥਿਤ ਉਲੰਘਣਾ ਤੋਂ ਬਾਅਦ ਲਿਆ ਗਿਆ ਹੈ।

ਰਿਪੋਰਟਾਂ ਮੁਤਾਬਕ, ਹਾਲ ਹੀ ਵਿੱਚ ਟੀਮ ਨਾਲ ਯਾਤਰਾ ਦੌਰਾਨ ਇਕ ਫਲਾਈਟ ਵਿੱਚ ਬਣਾਈ ਗਈ ਵੀਡੀਓ ਵਾਇਰਲ ਹੋ ਗਈ ਸੀ, ਜਿਸ ਵਿੱਚ ਯੁਜਵੇਂਦਰ ਚਾਹਲ ਨਾਲ ਜੁੜਿਆ ਇਕ ਵਿਵਾਦਿਤ ਸੀਨ ਸਾਹਮਣੇ ਆਇਆ ਸੀ। ਇਸ ਘਟਨਾ ਤੋਂ ਬਾਅਦ BCCI ਦੀ ਐਂਟੀ ਕਰਪਸ਼ਨ ਯੂਨਿਟ (ACU) ਵੀ ਸਚੇਤ ਹੋ ਗਈ ਅਤੇ ਮਾਮਲੇ ਦੀ ਗੰਭੀਰ ਜਾਂਚ ਕੀਤੀ ਗਈ।

ਇਸ ਦੇ ਨਤੀਜੇ ਵਜੋਂ ਬੋਰਡ ਨੇ ਕੜੇ ਨਿਯਮ ਲਾਗੂ ਕਰਦਿਆਂ ਖਿਡਾਰੀਆਂ ਨੂੰ ਸੋਸ਼ਲ ਮੀਡੀਆ ਕੰਟੈਂਟ ਬਣਾਉਣ ਵਿੱਚ ਸਾਵਧਾਨੀ ਵਰਤਣ ਦੀ ਹਦਾਇਤ ਦਿੱਤੀ ਹੈ। ਹੁਣ ਅਰਸ਼ਦੀਪ ਸਿੰਘ ਆਪਣੀਆਂ ਲੋਕਪ੍ਰਿਯ ਵਲੌਗ ਵੀਡੀਓਜ਼ ਨਹੀਂ ਬਣਾ ਸਕਣਗੇ, ਜੋ ਫੈਨਸ ਲਈ ਵੱਡਾ ਝਟਕਾ ਮੰਨਿਆ ਜਾ ਰਿਹਾ ਹੈ।

ਅਰਸ਼ਦੀਪ ਸਿਰਫ ਆਪਣੀ ਘਾਤਕ ਗੇਂਦਬਾਜ਼ੀ ਲਈ ਹੀ ਨਹੀਂ, ਸਗੋਂ ਆਪਣੇ ਮਨੋਰੰਜਕ ਵਲੌਗਸ ਕਰਕੇ ਵੀ ਬਹੁਤ ਮਸ਼ਹੂਰ ਹਨ। ਉਨ੍ਹਾਂ ਦੇ ਵੀਡੀਓਜ਼ ਨੂੰ ਲੱਖਾਂ ਵਿਊਜ਼ ਮਿਲਦੇ ਸਨ। ਪਰ ਹੁਣ BCCI ਦੇ ਨਵੇਂ ਸਖ਼ਤ ਰੁਖ਼ ਤੋਂ ਬਾਅਦ ਉਨ੍ਹਾਂ ਦੀ ਸੋਸ਼ਲ ਮੀਡੀਆ ਐਕਟਿਵਿਟੀ ‘ਤੇ ਰੋਕ ਲੱਗ ਗਈ ਹੈ।

ਇਸਦੇ ਨਾਲ ਹੀ IPL 2026 ਵਿੱਚ ਉਨ੍ਹਾਂ ਦਾ ਪ੍ਰਦਰਸ਼ਨ ਵੀ ਉਮੀਦਾਂ ਅਨੁਸਾਰ ਨਹੀਂ ਰਿਹਾ, ਜਿਸ ਨਾਲ ਉਨ੍ਹਾਂ ‘ਤੇ ਦਬਾਅ ਹੋਰ ਵਧ ਗਿਆ ਹੈ।