Tanda Municipal Council Election Result 2026 : AAP ਅੱਗੇ, ਕਾਂਗਰਸ ਨੇ ਵੀ ਦਰਜ ਕੀਤੀਆਂ ਜਿੱਤਾਂ

ਟਾਂਡਾ ਨਗਰ ਕੌਂਸਲ ਚੋਣਾਂ 2026 ਦੇ ਨਤੀਜਿਆਂ ਨੇ ਸਿਆਸੀ ਮਾਹੌਲ ਨੂੰ ਗਰਮਾ ਦਿੱਤਾ ਹੈ। ਆਮ ਆਦਮੀ ਪਾਰਟੀ (AAP) ਨੇ ਸਭ ਤੋਂ ਵੱਧ ਸੀਟਾਂ ਜਿੱਤ ਕੇ ਇਲਾਕੇ ਵਿੱਚ ਆਪਣੀ ਮਜ਼ਬੂਤ ਪਕੜ ਦਰਸਾਈ ਹੈ, ਜਦਕਿ ਕਾਂਗਰਸ ਪਾਰਟੀ ਨੇ ਵੀ ਕਈ ਵਾਰਡਾਂ ਵਿੱਚ ਮਹੱਤਵਪੂਰਨ ਜਿੱਤਾਂ ਹਾਸਲ ਕੀਤੀਆਂ ਹਨ।

ਵਾਰਡ ਨੰਬਰ 1 ਵਿੱਚ ਕਾਂਗਰਸ ਦੀ ਹਿਨਾ ਵੈਦ ਨੇ 479 ਵੋਟਾਂ ਨਾਲ ਜਿੱਤ ਦਰਜ ਕੀਤੀ, ਜਦਕਿ ਵਾਰਡ ਨੰਬਰ 2 ਤੋਂ ਬਲਦੇਵ ਰਾਮ ਨੇ 469 ਵੋਟਾਂ ਨਾਲ ਕਾਂਗਰਸ ਲਈ ਸੀਟ ਜਿੱਤੀ। ਵਾਰਡ ਨੰਬਰ 3 ਵਿੱਚ AAP ਦੀ ਸਰੋਜ ਬਾਲਾ 463 ਵੋਟਾਂ ਨਾਲ ਜੇਤੂ ਰਹੀ।

ਵਾਰਡ ਨੰਬਰ 4 ਅਤੇ 5 ਵਿੱਚ ਕਾਂਗਰਸ ਨੇ ਦੋਹਰੀ ਜਿੱਤ ਹਾਸਲ ਕੀਤੀ, ਜਿੱਥੇ ਦਵਿੰਦਰ ਸਿੰਘ ਨੇ 650 ਵੋਟਾਂ ਅਤੇ ਗੁਰਪ੍ਰੀਤ ਕੌਰ ਨੇ 414 ਵੋਟਾਂ ਨਾਲ ਜਿੱਤ ਦਰਜ ਕੀਤੀ।

ਇਸ ਤੋਂ ਬਾਅਦ ਵਾਰਡ ਨੰਬਰ 6 ਵਿੱਚ AAP ਦੇ ਸੇਠ ਰਾਮ ਨੇ 582 ਵੋਟਾਂ ਨਾਲ ਜਿੱਤ ਹਾਸਲ ਕੀਤੀ। ਵਾਰਡ ਨੰਬਰ 7 ਅਤੇ 8 ਵਿੱਚ ਵੀ ਆਮ ਆਦਮੀ ਪਾਰਟੀ ਨੇ ਆਪਣਾ ਦਬਦਬਾ ਕਾਇਮ ਰੱਖਿਆ, ਜਿੱਥੇ ਨਰਿੰਦਰ ਕੌਰ ਅਤੇ ਹਰਮੀਤ ਸਿੰਘ ਵੜੈਚ ਜੇਤੂ ਰਹੇ।

ਵਾਰਡ ਨੰਬਰ 9 ਵਿੱਚ ਕਾਂਗਰਸ ਦੀ ਪ੍ਰਿਤਪਾਲ ਕੌਰ ਨੇ 510 ਵੋਟਾਂ ਨਾਲ ਜਿੱਤ ਦਰਜ ਕੀਤੀ, ਜਦਕਿ ਵਾਰਡ ਨੰਬਰ 10 ਤੋਂ AAP ਦੇ ਪ੍ਰਵੀਨ ਖੰਨਾ ਜੇਤੂ ਰਹੇ।

ਅਗਲੇ ਵਾਰਡਾਂ ਵਿੱਚ ਵੀ AAP ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਵਾਰਡ ਨੰਬਰ 11 ਤੋਂ ਗੁਰਬਖ਼ਸ਼ ਕੌਰ, ਵਾਰਡ ਨੰਬਰ 12 ਤੋਂ ਹਰੀ ਕ੍ਰਿਸ਼ਨ, ਵਾਰਡ ਨੰਬਰ 13 ਤੋਂ ਪਰਮਿੰਦਰ ਕੌਰ, ਵਾਰਡ ਨੰਬਰ 14 ਤੋਂ ਮਨਜੀਤ ਕੌਰ ਅਤੇ ਵਾਰਡ ਨੰਬਰ 15 ਤੋਂ ਜਸਵੰਤ ਕੌਰ ਜੇਤੂ ਰਹੇ।

ਕੁੱਲ ਮਿਲਾ ਕੇ ਟਾਂਡਾ ਨਗਰ ਕੌਂਸਲ ਚੋਣਾਂ ਵਿੱਚ AAP ਨੇ ਸਭ ਤੋਂ ਵੱਧ ਸੀਟਾਂ ਜਿੱਤ ਕੇ ਅੱਗੇ ਰਹੀ, ਜਦਕਿ ਕਾਂਗਰਸ ਨੇ ਵੀ ਕਈ ਵਾਰਡਾਂ ਵਿੱਚ ਮਜ਼ਬੂਤ ਹਾਜ਼ਰੀ ਦਰਜ ਕਰਵਾਈ। ਨਤੀਜਿਆਂ ਤੋਂ ਬਾਅਦ ਸਿਆਸੀ ਹਲਚਲ ਹੋਰ ਤੇਜ਼ ਹੋ ਗਈ ਹੈ।