FBI ਦੀ Top 10 ਮੋਸਟ ਵਾਂਟੇਡ ਸੂਚੀ ‘ਚ ਸ਼ਾਮਲ ਹੈ ਇਹ ਭਾਰਤੀ, 10 ਸਾਲਾਂ ਤੋਂ ਹੈ ਮੋਸਟ ਵਾਂਟੇਡ

ਅਮਰੀਕੀ ਸੰਘੀ ਜਾਂਚ ਬਿਊਰੋ ਯਾਨੀ ਕਿ FBI ਨੇ ਮੋਸਟ ਵਾਂਟੇਡ ਅਪਰਾਧੀਆਂ ਦੀ ਸੂਚੀ ਜਾਰੀ ਕੀਤੀ ਹੈ। ਇਸ ਸੂਚੀ ਵਿੱਚ ਭਦਰੇਸ਼ ਕੁਮਾਰ ਚੇਤਨਭਾਈ ਪਟੇਲ ਨਾਂ ਦਾ ਭਾਰਤੀ ਨਾਗਰਿਕ ਦਾ ਨਾਂ ਵੀ ਮੋਸਟ ਵਾਂਟੇਡ ਸੂਚੀ ‘ਚ ਸ਼ਾਮਲ ਕੀਤਾ ਗਿਆ ਹੈ। 

ਭਦਰੇਸ਼ ਕੁਮਾਰ ਚੇਤਨਭਾਈ ਪਟੇਲ ਨੇ ਆਪਣੀ ਪਤਨੀ ਦੀ ਬੇਰਹਮੀ ਨਾਲ ਹੱਤਿਆ ਕਰਨ ਤੋਂ ਬਾਅਦ ਫਰਾਰ ਹੈ। FBI ਨੇ ਉਸਦੀ ਗ੍ਰਿਫਤਾਰੀ ਜਾਂ ਜਾਣਕਾਰੀ ਦੇਣ ਲਈ 10 ਲੱਖ ਡਾਲਰ ਤੱਕ ਦਾ ਇਨਾਮ ਰੱਖਿਆ ਹੈ। 
FBI ਦੇ ਅਨੁਸਾਰ, ਭਦਰੇਸ਼ ਕੁਮਾਰ ਚੇਤਨਭਾਈ ਪਟੇਲ ਦਾ ਜਨਮ 15 ਮਈ, 1990 ਨੂੰ ਗੁਜਰਾਤ ਦੇ ਵਿਰਾਮਗਾਮ ਦੇ ਕਾਂਤਰੋਡੀ ਵਿੱਚ ਹੋਇਆ ਸੀ। ਬਾਅਦ ਵਿੱਚ ਉਹ ਅਮਰੀਕਾ ਚਲਾ ਗਿਆ ਅਤੇ ਉੱਥੇ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ। ਜਦੋਂ ਇਹ ਸਨਸਨੀਖੇਜ਼ ਕਤਲ ਹੋਇਆ ਤਾਂ ਉਹ ਲਗਭਗ 26 ਸਾਲ ਦਾ ਸੀ।

ਇਹ ਘਟਨਾ 12 ਅਪ੍ਰੈਲ, 2015 ਨੂੰ ਵਾਪਰੀ। ਦੋਸ਼ੀ ਅਤੇ ਉਸਦੀ ਪਤਨੀ ਅਮਰੀਕਾ ਦੇ ਮੈਰੀਲੈਂਡ ਦੇ ਹੈਨੋਵਰ ਵਿੱਚ ਇੱਕ ਡੋਨਟ ਦੀ ਦੁਕਾਨ 'ਤੇ ਕੰਮ ਕਰ ਰਹੇ ਸਨ। ਦੋਸ਼ ਹੈ ਕਿ ਕੰਮ ਕਰਦੇ ਸਮੇਂ, ਭਦਰੇਸ਼ ਕੁਮਾਰ ਨੇ ਆਪਣੀ ਪਤਨੀ ਨੂੰ ਕਈ ਵਾਰ ਭਾਰੀ ਚੀਜ਼ ਨਾਲ ਮਾਰਿਆ, ਜਿਸ ਕਾਰਨ ਉਸਦੀ ਮੌਕੇ 'ਤੇ ਹੀ ਮੌਤ ਹੋ ਗਈ।

ਕਤਲ ਤੋਂ ਬਾਅਦ ਭਦਰੇਸ਼ ਕੁਮਾਰ ਤੁਰੰਤ ਫਰਾਰ ਹੋ ਗਿਆ। ਬਾਅਦ ਵਿੱਚ ਪਤਾ ਲੱਗਾ ਕਿ ਉਸਨੂੰ ਆਖਰੀ ਵਾਰ ਨਿਊ ਜਰਸੀ ਦੇ ਨੇਵਾਰਕ ਵਿੱਚ ਦੇਖਿਆ ਗਿਆ ਸੀ। ਉਦੋਂ ਤੋਂ ਉਹ ਫਰਾਰ ਹੈ ਅਤੇ ਉਸਦੀ ਭਾਲ ਕਈ ਸਾਲਾਂ ਤੋਂ ਕੀਤੀ ਜਾ ਰਹੀ ਹੈ।

ਮੈਰੀਲੈਂਡ ਦੀ ਅਦਾਲਤ ਨੇ ਉਸਦੇ ਖਿਲਾਫ ਕਈ ਗੰਭੀਰ ਦੋਸ਼ਾਂ ’ਤੇ ਵਾਰੰਟ ਜਾਰੀ ਕੀਤੇ ਹਨ, ਜਿਸ ਵਿੱਚ ਸ਼ਾਮਲ ਹਨ
•    ਫਸਟ-ਡਿਗਰੀ ਕਤਲ
•    ਸੈਕਿੰਡ-ਡਿਗਰੀ ਕਤਲ
•    ਫਸਟ-ਡਿਗਰੀ ਹਮਲਾ
•    ਖਤਰਨਾਕ ਹਥਿਆਰ ਨਾਲ ਸੈਕਿੰਡ-ਡਿਗਰੀ ਹਮਲਾ
•    ਮੁਕੱਦਮੇ ਤੋਂ ਬਚਣ ਲਈ ਭੱਜਣਾ
ਇਨ੍ਹਾਂ ਦੋਸ਼ਾਂ ਦੇ ਤਹਿਤ ਐਫਬੀਆਈ ਨੇ ਉਸਦੇ ਖਿਲਾਫ ਸੰਘੀ ਗ੍ਰਿਫਤਾਰੀ ਵਾਰੰਟ ਵੀ ਜਾਰੀ ਕੀਤਾ ਹੈ। ਦਫ਼ਤਰ ਨੇ ਚੇਤਾਵਨੀ ਦਿੱਤੀ ਹੈ ਕਿ ਭਦਰੇਸ਼ ਕੁਮਾਰ ਬਹੁਤ ਖਤਰਨਾਕ ਹੈ। ਜੋ ਵੀ ਉਸਨੂੰ ਦੇਖਦਾ ਹੈ ਜਾਂ ਉਸ ਬਾਰੇ ਜਾਣਕਾਰੀ ਰੱਖਦਾ ਹੈ, ਉਹ ਤੁਰੰਤ ਕਾਨੂੰਨੀ ਏਜੰਸੀਆਂ ਨੂੰ ਸੂਚਿਤ ਕਰੇ।
ਐਫਬੀਆਈ ਨੇ ਇਹ ਵੀ ਦੱਸਿਆ ਕਿ ਭਦਰੇਸ਼ ਕੁਮਾਰ ਦੀ ਗ੍ਰਿਫਤਾਰੀ ਜਾਂ ਉਸਦੇ ਟਿਕਾਣੇ ਬਾਰੇ ਜਾਣਕਾਰੀ ਦੇਣ ਵਾਲੇ ਵਿਅਕਤੀ ਲਈ 10 ਲੱਖ ਡਾਲਰ ਤੱਕ ਇਨਾਮ ਰੱਖਿਆ ਗਿਆ ਹੈ।