Iran-Israel War : ਇਰਾਨ-ਇਜ਼ਰਾਇਲ ਜੰਗ ਵਿਚਾਲੇ ਕੁਵੈਤ ‘ਚ ਅਮਰੀਕੀ ਲੜਾਕੂ ਜਹਾਜ਼ ਕ੍ਰੈਸ਼

ਅੱਜ ਇਜ਼ਰਾਈਲ,ਅਮਰੀਕਾ ਅਤੇ ਈਰਾਨ ਵਿਚਕਾਰ ਜੰਗ ਦਾ ਤੀਜਾ ਦਿਨ ਹੈ। ਇਸ ਦੌਰਾਨ, ਕੁਵੈਤ ਵਿੱਚ ਇੱਕ ਅਮਰੀਕੀ ਲੜਾਕੂ ਜਹਾਜ਼ ਕ੍ਰੈਸ਼ ਹੋ ਗਿਆ ਹੈ। ਇਸ ਦੌਰਾਨ, ਦੁਬਈ ਵਿੱਚ ਫਿਰ ਧਮਾਕਿਆਂ ਦੀਆਂ ਖ਼ਬਰਾਂ  ਸਾਹਮਣੇ ਆਈਆਂ ਹਨ।

ਮੀਡੀਆ ਰਿਪੋਰਟ ਮੁਤਾਬਕ ,ਏਅਰ ਡਿਫੈਂਸ ਸਿਸਟਮ ਨੇ ਕੁਝ ਸ਼ੱਕੀ ਡਰੋਨ ਅਤੇ ਮਿਜ਼ਾਈਲਾਂ ਨੂੰ ਹਵਾ ਵਿੱਚ ਡੇਗ ਦਿੱਤਾ। ਸੁਰੱਖਿਆ ਏਜੰਸੀਆਂ ਹਾਈ ਅਲਰਟ 'ਤੇ ਹਨ। ਲਗਭਗ 16 ਘੰਟੇ ਪਹਿਲਾਂ, ਦੁਬਈ ਦੇ ਪੋਰਟ ਅਤੇ ਬੁਰਜ ਖਲੀਫਾ ਦੇ ਨੇੜੇ ਵੀ ਹਮਲਾ ਹੋਇਆ ਸੀ। ਲੇਬਨਾਨੀ ਅੱਤਵਾਦੀ ਸਮੂਹ ਹਿਜ਼ਬੁੱਲਾ ਹੁਣ ਜੰਗ ਵਿੱਚ ਸ਼ਾਮਲ ਹੋ ਗਿਆ ਹੈ। ਉਸਨੇ ਇਜ਼ਰਾਈਲ ਵਿੱਚ ਕਈ ਥਾਵਾਂ 'ਤੇ ਬੰਬਾਰੀ ਕੀਤੀ ਹੈ। ਇਸ ਦੌਰਾਨ, ਇਜ਼ਰਾਈਲ ਨੇ ਦਹੀਆ ਅਤੇ ਰਾਜਧਾਨੀ ਬੇਰੂਤ ਸਮੇਤ ਲੇਬਨਾਨੀ ਸਰਹੱਦ ਦੇ ਨਾਲ ਲੱਗਦੇ 50 ਪਿੰਡ ਖਾਲੀ ਕਰਵਾ ਲਏ ਹਨ।

ਦਹੀਆ ਨੂੰ ਹਿਜ਼ਬੁੱਲਾ ਦਾ ਗੜ੍ਹ ਮੰਨਿਆ ਜਾਂਦਾ ਹੈ। ਇਸ ਖੇਤਰ 'ਤੇ 2024 ਵਿੱਚ ਕਈ ਵਾਰ ਹਮਲਾ ਕੀਤਾ ਗਿਆ ਸੀ, ਅਤੇ ਉਦੋਂ ਤੋਂ ਕਈ ਹਮਲੇ ਹੋਏ ਹਨ। ਉਸੇ ਸਾਲ ਨਵੰਬਰ ਵਿੱਚ ਜੰਗਬੰਦੀ ਹੋਈ ਸੀ। ਇਜ਼ਰਾਈਲ ਦਾ ਦੋਸ਼ ਹੈ ਕਿ ਉਸਨੇ ਸਮਝੌਤੇ ਦੀ ਉਲੰਘਣਾ ਕੀਤੀ ਹੈ ਅਤੇ ਹਮਲੇ ਵੀ ਰੱਖੇ ਹਨ । ਇਜ਼ਰਾਈਲ ਦਾ ਕਹਿਣਾ ਹੈ ਕਿ ਹਿਜ਼ਬੁੱਲਾ ਫਿਰ ਤੋਂ ਹਥਿਆਰ ਜੁਟਾ ਰਿਹਾ ਹੈ ਅਤੇ ਲੇਬਨਾਨੀ ਸਰਕਾਰ ਇਸਨੂੰ ਰੋਕਣ ਲਈ ਕਦਮ ਨਹੀਂ ਚੁੱਕ ਰਹੀ ਹੈ।

ਈਰਾਨ 'ਚ 200 ਲੋਕਾਂ ਦੀ ਮੌਤ , 740 ਜ਼ਖਮੀ

ਅਲ-ਜਜ਼ੀਰਾ ਦੇ ਅਨੁਸਾਰ, ਅਮਰੀਕਾ ਅਤੇ ਇਜ਼ਰਾਈਲ ਨੇ ਹੁਣ ਤੱਕ ਈਰਾਨ ਵਿੱਚ 1,000 ਤੋਂ ਵੱਧ ਟਿਕਾਣਿਆਂ 'ਤੇ ਸਾਂਝੇ ਤੌਰ 'ਤੇ ਹਮਲਾ ਕੀਤਾ ਹੈ। ਪਹਿਲੇ 30 ਘੰਟਿਆਂ ਵਿੱਚ 2,000 ਤੋਂ ਵੱਧ ਬੰਬ ਸੁੱਟੇ ਗਏ। ਹੁਣ ਤੱਕ 200 ਤੋਂ ਵੱਧ ਲੋਕ ਮਾਰੇ ਗਏ ਹਨ, ਜਦੋਂ ਕਿ 740 ਤੋਂ ਵੱਧ ਜ਼ਖਮੀ ਹੋਏ ਹਨ। ਇੱਕ ਮਿਜ਼ਾਈਲ ਇੱਕ ਸਕੂਲ 'ਤੇ ਡਿੱਗੀ, ਜਿਸ ਵਿੱਚ 180 ਵਿਦਿਆਰਥਣਾਂ ਦੀ ਮੌਤ ਹੋ ਗਈ ਅਤੇ 45 ਜ਼ਖਮੀ ਹੋ ਗਈਆਂ। 28 ਫਰਵਰੀ ਨੂੰ ਸ਼ੁਰੂ ਹੋਈ ਲੜਾਈ ਦੇ ਪਹਿਲੇ ਦਿਨ ਹੋਏ ਬੰਬ ਧਮਾਕੇ ਵਿੱਚ ਈਰਾਨ ਦੇ ਸੁਪਰੀਮ ਲੀਡਰ ਅਯਾਤੁੱਲਾ ਅਲੀ ਖਮੇਨੀ ਦੀ ਮੌਤ ਹੋ ਗਈ।