Iran-Israel ਜੰਗ ਵਿਚਾਲੇ ਖੁਸ਼ਬੂ ਪਾਟਨੀ ਨੇ ਲੋਕਾਂ ਨੂੰ ਕੀਤੀ ਖਾਸ ਅਪੀਲ

ਇਸ ਸਮੇਂ ਦੁਨੀਆ ਭਰ ਵਿੱਚ ਈਰਾਨ ਅਤੇ ਇਜ਼ਰਾਈਲ ਦਰਮਿਆਨ ਭਿਆਨਕ ਜੰਗ ਚੱਲ ਰਹੀ ਹੈ। ਇਸ ਜੰਗ ਨੂੰ ਲੈ ਕੇ ਚਰਚਾਵਾਂ ਤੇ ਚਿੰਤਾਵਾਂ ਜਾਰੀ ਹਨ। ਇਸ ਟਕਰਾਅ ਦੌਰਾਨ ਈਰਾਨ ਦੇ ਸਰਵਉੱਚ ਨੇਤਾ ਆਯਾਤੁੱਲਾ ਅਲੀ ਖਾਮੇਨੇਈ ਦੀ ਮੌਤ ਹੋ ਗਈ ਹੈ। ਭਾਰਤ ਦੇ ਕਈ ਸ਼ਹਿਰਾਂ ਵਿੱਚ ਲੋਕ ਖਮੇਨੀ ਦੀ ਮੌਤ 'ਤੇ ਸੋਗ ਮਨਾ ਰਹੇ ਹਨ।  

ਇਸ ਦੌਰਾਨ, ਭਾਰਤ ਮੱਧ ਪੂਰਬ ਵਿੱਚ ਫਸੇ ਨਾਗਰਿਕਾਂ ਨੂੰ ਵਾਪਸ ਲਿਆਉਣ ਲਈ ਲਗਾਤਾਰ ਕੋਸ਼ਿਸ਼ ਕਰ ਰਹੀ ਹੈ। ਇਸ ਮਾਮਲੇ 'ਚ ਅਦਾਕਾਰਾ ਦਿਸ਼ਾ ਪਾਟਨੀ ਦੀ ਭੈਣ ਖੁਸ਼ਬੂ ਪਾਟਨੀ  ਨੇ ਲੋਕਾਂ ਨੂੰ ਜੰਗ ਦੇ ਸਥਿਤੀ ਬਾਰੇ ਸਮਝਾਉਂਦਿਆਂ ਸੋਸ਼ਲ ਮੀਡੀਆ 'ਤੇ ਪੋਸਟ ਸਾਂਝੀ ਕੀਤੀ ਹੈ।

ਖੁਸ਼ਬੂ ਨੇ ਸਪੱਸ਼ਟ ਤੌਰ 'ਤੇ ਕਿਹਾ ਕਿ ਈਰਾਨ ਭਾਰਤ ਦਾ ਦੇਸ਼ ਨਹੀਂ ਹੈ ਅਤੇ ਇਸ ਯੁੱਧ ਨੂੰ ਧਾਰਮਿਕ ਟਕਰਾਅ ਨਾਲ ਜੋੜਨਾ ਗਲਤ ਹੈ। ਉਸਨੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਹਿੰਦੁਸਤਾਨ ਦੇ ਨਾਲ ਖੜੇ ਰਹਿਣ ਅਤੇ ਇਸ ਮਾਮਲੇ ਨੂੰ ਸਮਝਦਾਰੀ ਨਾਲ ਵੇਖਣ।

ਉਸਨੇ ਪੋਸਟ ਵਿੱਚ ਲਿਖਿਆ, "ਜੋ ਵੀ ਲੜਨਾ ਚਾਹੁੰਦਾ ਹੈ, ਉਸਨੂੰ ਲੜਨ ਦਿਓ, ਜਦ ਤੱਕ ਭਾਰਤ ਇਸ ਈਰਾਨ-ਇਜ਼ਰਾਈਲ-ਅਮਰੀਕਾ ਯੁੱਧ ਵਿੱਚ ਸਿੱਧੇ ਤੌਰ 'ਤੇ ਸ਼ਾਮਿਲ ਨਹੀਂ ਹੈ। ਸਾਨੂੰ ਜਜ਼ਬਾਤੀ ਤੌਰ 'ਤੇ ਛਾਲ ਮਾਰਨ ਦੀ ਲੋੜ ਨਹੀਂ। ਇਹ ਕੋਈ ਧਾਰਮਿਕ ਯੁੱਧ ਨਹੀਂ ਹੈ। 

ਇਹ ਸਿਰਫ਼ ਸ਼ਕਤੀ, ਸੁਰੱਖਿਆ ਅਤੇ ਖੇਤਰੀ ਪ੍ਰਭਾਵ ਦੀ ਖੇਡ ਹੈ। ਇਸਨੂੰ ਧਰਮ ਦੀ ਲੜਾਈ ਸਮਝਣਾ ਵੱਡੀ ਗਲਤੀ ਹੈ। ਦਰਅਸਲ, ਇਹ ਭੂ-ਰਾਜਨੀਤੀ, ਫੌਜੀ ਰਣਨੀਤੀ ਅਤੇ ਵਿਸ਼ਵਵਿਆਪੀ ਗਠਜੋੜ ਦਾ ਮਾਮਲਾ ਹੈ, ਜੋ ਆਮ ਲੋਕਾਂ ਦੀ ਸਮਝ ਨਾਲੋਂ ਕਾਫ਼ੀ ਜਟਿਲ ਹੈ।

ਖੁਸ਼ਬੂ ਪਾਟਨੀ ਨੇ ਲੋਕਾਂ ਨੂੰ ਸੋਚ-ਵਿਚਾਰ ਅਤੇ ਸ਼ਾਂਤੀਪੂਰਨ ਰਹਿਣ ਲਈ ਚੇਤਾਵਨੀ ਦਿੱਤੀ ਹੈ ਤਾਂ ਜੋ ਕੋਈ ਭਾਰਤੀ ਇਸ ਜਟਿਲ ਸਥਿਤੀ ਵਿੱਚ ਭਾਵਨਾਤਮਕ ਤੌਰ 'ਤੇ ਗਲਤ ਦਿਸ਼ਾ ਵਿੱਚ ਨਾ ਫਸੇ।