ਬਠਿੰਡਾ ਏ.ਆਈ.ਐਮ.ਐੱਸ. ‘ਚ ਇਲਾਜ ਲਈ ਆਉਣ ਵਾਲੇ ਮਰੀਜ਼ਾਂ ਅਤੇ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰਾਂ ਲਈ ਬਹੁਤ ਵੱਡੀ ਰਾਹਤ ਦੀ ਖ਼ਬਰ ਹੈ। ਹੁਣ ਏ.ਆਈ.ਐਮ.ਐੱਸ. ਦੇ ਬਾਹਰ ਇੱਕ ਨਵੀਂ ਧਰਮਸ਼ਾਲਾ ਤਿਆਰ ਹੋ ਗਈ ਹੈ, ਜਿਸ ਵਿੱਚ ਮਰੀਜ਼ਾਂ ਅਤੇ ਉਨ੍ਹਾਂ ਦੇ ਸਾਥੀਆਂ ਲਈ ਠਹਿਰਨ ਅਤੇ ਖਾਣ-ਪੀਣ ਦੀ ਵਿਆਵਸਥਾ ਕੀਤੀ ਗਈ ਹੈ।

ਜਿਸ ਧਰਮਸ਼ਾਲਾ ਦੀ ਗੱਲ ਕੀਤੀ ਜਾ ਰਹੀ ਹੈ, ਉਸ ਵਿੱਚ ਠਹਿਰਨ ਦਾ ਖ਼ਰਚਾ ਸਿਰਫ 70 ਰੁਪਏ ਹੈ। ਖਾਣ-ਪੀਣ ਦਾ ਚਾਰਜ ਵੀ ਸਿਰਫ 40 ਰੁਪਏ ਰੱਖਿਆ ਗਿਆ ਹੈ। ਇਹ ਵਿਵਸਥਾ ਖਾਸ ਕਰਕੇ ਉਨ੍ਹਾਂ ਲੋਕਾਂ ਲਈ ਬਹੁਤ ਫਾਇਦਾਮੰਦ ਹੈ ਜੋ ਦੂਰ-ਦੂਰ ਤੋਂ ਇਲਾਜ ਲਈ ਆਉਂਦੇ ਹਨ ਅਤੇ ਮਹਿੰਗੀ ਆਵਾਜਾਈ ਜਾਂ ਰਹਿਣ ਦੀ ਲਾਗਤ ਬਰਦਾਸ਼ਤ ਨਹੀਂ ਕਰ ਸਕਦੇ।

ਇਹ ਧਰਮਸ਼ਾਲਾ ਦਵਾਰਕਾ ਦਾਸ ਮਿੱਤਲ ਚੈਰੀਟੇਬਲ ਟਰੱਸਟ ਵੱਲੋਂ ਬਣਾਈ ਗਈ ਹੈ। ਟਰੱਸਟ ਨੇ ਇਸ ਧਰਮਸ਼ਾਲਾ ਦੇ ਨਿਰਮਾਣ ‘ਤੇ ਲਗਭਗ 13 ਕਰੋੜ ਰੁਪਏ ਖ਼ਰਚ ਕੀਤੇ ਹਨ, ਤਾਂ ਜੋ ਏ.ਆਈ.ਐਮ.ਐੱਸ. ‘ਚ ਆਉਣ ਵਾਲੇ ਮਰੀਜ਼ਾਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਨੂੰ ਸਸਤੀ ਅਤੇ ਆਸਾਨ ਠਹਿਰਨ ਦੀ ਸਹੂਲਤ ਮਿਲੇ।

ਇਹ ਧਰਮਸ਼ਾਲਾ ਮੁਸ਼ਕਲ ਸਮੇਂ ਲਈ ਹੈ — ਲੰਬੀ ਉਡੀਕ ਵਾਲੇ ਮਰੀਜ਼, ਦੂਰ-ਦੂਰ ਤੋਂ ਆਏ ਹੋਏ ਲੋਕ ਜਾਂ ਉਹ ਲੋਕ ਜਿਨ੍ਹਾਂ ਕੋਲ ਵੱਡੀ ਰਕਮ ਖਰਚਣ ਦੀ ਸਮਰੱਥਾ ਨਹੀਂ। ਥੋੜ੍ਹਾ ਖ਼ਰਚਾ — ਤੇ ਉਹਨਾਂ ਨੂੰ ਬਿਨਾਂ ਵੱਧ ਬੋਝ ਦੇ ਇਲਾਜ ਲੱਗ ਜਾਵੇ।

ਇਸ ਸੁਧਾਰ ਨਾਲ ਬਠਿੰਡਾ ਏ.ਆਈ.ਐਮ.ਐੱਸ. ‘ਚ ਇਲਾਜ ਲਈ ਆਉਣ ਵਾਲੇ ਮਰੀਜ਼ਾਂ ਦੀ ਜ਼ਿੰਦਗੀ ਥੋੜ੍ਹੀ ਆਸਾਨ ਹੋ ਜਾਵੇਗੀ। ਇਹ ਵਿਵਸਥਾ ਖਾਸ ਕਰਕੇ ਉਹਨਾਂ ਲਈ ਮਹੱਤਵਪੂਰਨ ਹੈ ਜੋ ਦੂਰ-ਦੂਰ ਤੋਂ ਇਲਾਜ ਲਈ ਆ ਰਹੇ ਹਨ।