ਫਰੀਦਕੋਟ: ਦਸਮੇਸ਼ ਡੈਂਟਲ ਕਾਲਜ ‘ਚ ਫੋਰੈਂਸਿਕ ਓਡੋਂਟੋਲੋਜੀ ‘ਤੇ ਵੱਡਾ ਔਨਲਾਈਨ ਵੈਬੀਨਾਰ, Bite Marks ਦੀ ਮਹੱਤਤਾ ਸਮਝਾਈ

ਫਰੀਦਕੋਟ, 20 ਮਾਰਚ – ਮੈਡੀਕਲ ਖੇਤਰ ਵਿੱਚ ਵੱਡੇ ਮੱਲ੍ਹਾਂ ਮਾਰਨ ਵਾਲੇ ਦਸਮੇਸ਼ ਡੈਂਟਲ ਕਾਲਜ ਵਿੱਚ ਫੋਰੈਂਸਿਕ ਓਡੋਂਟੋਲੋਜੀ ਵਿੱਚ ਦੰਦੀ ਤੇ ਨਿਸ਼ਾਨ (Bite Marks in Forensic Odontology) ਦੀ ਮਹੱਤਤਾ ‘ਤੇ ਇੱਕ ਰਾਸ਼ਟਰੀ ਪੱਧਰ ਦਾ ਔਨਲਾਈਨ ਵੈਬੀਨਾਰ ਕਰਵਾਇਆ ਗਿਆ। ਇਸ ਵੈਬੀਨਾਰ ਦੀ ਯੋਗ ਅਗਵਾਈ ਡਾਇਰੈਕਟਰ ਡਾ. ਗੁਰਸੇਵਕ ਸਿੰਘ, ਜੁਆਇੰਟ ਡਾਇਰੈਕਟਰ ਸ. ਸਵਰਨਜੀਤ ਸਿੰਘ ਅਤੇ ਪ੍ਰਿੰਸੀਪਲ ਡਾ. ਐਮ. ਕੇ. ਸੁਨੀਲ ਨੇ ਕੀਤੀ।

ਵੈਬੀਨਾਰ ਵਿੱਚ ਡਾ. ਰੋਹਿਤ ਸ਼ਰਮਾ, ਪ੍ਰੋਫੈਸਰ ਅਤੇ ਮੁੱਖੀ ਉਰਲ ਪੈਥੋਲੋਜੀ ਵਿਭਾਗ, ਨਿਮਸ ਡੈਂਟਲ ਕਾਲਜ ਜੈਪੁਰ ਨੇ ਵਿਦਿਆਰਥੀਆਂ ਅਤੇ ਫੈਕਲਟੀ ਨੂੰ ਦੰਦਾਂ ਦੀ ਅਪਰਾਧਿਕ ਜਾਂਚ ਵਿੱਚ Bite Marks ਦੀ ਮਹੱਤਤਾ ਬਾਰੇ ਵਿਸਥਾਰ ਨਾਲ ਜਾਣੂ ਕਰਵਾਇਆ।

ਇਸ ਵੈਬੀਨਾਰ ਵਿੱਚ 13 ਅਲੱਗ-ਅਲੱਗ ਰਾਜਾਂ ਤੋਂ 482 ਵਿਦਿਆਰਥੀਆਂ ਨੇ ਹਿੱਸਾ ਲਿਆ, ਜਿਨ੍ਹਾਂ ਵਿੱਚ ਪੰਜਾਬ, ਹਰਿਆਣਾ, ਹਿਮਾਚਲ ਪ੍ਰਾਦੇਸ਼, ਰਾਜਸਥਾਨ, ਮਹਾਰਾਸ਼ਟਰਾ, ਪੱਛਮੀ ਬੰਗਾਲ, ਕਰਨਾਟਕਾ, ਕੇਰਲਾ, ਅਸਾਮ, ਉੱਤਰਾਖੰਡ, ਗੁਜਰਾਤ, ਤਾਮਿਲਨਾਡੂ ਅਤੇ ਪਾਂਡੇਚੇਰੀ ਦੇ ਵਿਦਿਆਰਥੀ ਸ਼ਾਮਿਲ ਸਨ।

ਇਸ ਮੌਕੇ ‘ਤੇ ਡਾ. ਹਰਕੰਵਲਪ੍ਰੀਤ ਸਿੰਘ, ਪ੍ਰੋਫੈਸਰ ਅਤੇ ਮੁੱਖੀ ਉਰਲ ਪੈਥੋਲੋਜੀ, ਡਾ. ਪਿਯੂਸ਼ ਗਾਂਧੀ ਅਤੇ ਡਾ. ਪ੍ਰਹਲਾਦ ਗੁਪਤਾ ਵੀ ਹਾਜ਼ਰ ਸਨ। ਉਨ੍ਹਾਂ ਨੇ ਵਿਦਿਆਰਥੀਆਂ ਨੂੰ ਦੰਦੀ ਨਿਸ਼ਾਨਾਂ ਦੀ ਅਪਰਾਧਿਕ ਜਾਂਚ ਵਿੱਚ ਲਾਗੂ ਕਰਨ ਵਾਲੀਆਂ ਤਕਨੀਕਾਂ ਬਾਰੇ ਵਿਸਥਾਰ ਨਾਲ ਸਮਝਾਇਆ।

ਇਹ ਵੈਬੀਨਾਰ ਵਿਦਿਆਰਥੀਆਂ ਲਈ ਬਹੁਤ ਹੀ ਗਿਆਨਵਰਧਕ ਸਾਬਤ ਹੋਇਆ ਅਤੇ ਫੋਰੈਂਸਿਕ ਓਡੋਂਟੋਲੋਜੀ ਖੇਤਰ ਵਿੱਚ ਨਵੀਆਂ ਸਿੱਖਣ ਦੀਆਂ ਤਕਨੀਕਾਂ ਅਤੇ ਨਿਪੁੰਨਤਾ ਨੂੰ ਬੜਾਵਾ ਦਿੱਤਾ।