Blood Donation Camp: ਖਾਲਸਾ ਸਾਜਣਾ ਦਿਵਸ ਮੌਕੇ ਗੁਰਦੁਆਰਾ ਰਣਜੀਤ ਬਾਗ ’ਚ ਮੈਡੀਕਲ ਤੇ ਖੂਨ ਦਾਨ ਕੈਂਪ

ਖਾਲਸਾ ਸਾਜਣਾ ਦਿਵਸ ਨੂੰ ਸਮਰਪਿਤ ਇੱਕ ਵਿਸ਼ੇਸ਼ Blood Donation Camp ਅਤੇ ਮੈਡੀਕਲ ਕੈਂਪ ਦਾ ਆਯੋਜਨ ਗੁਰਦੁਆਰਾ ਸਾਹਿਬ ਰਣਜੀਤ ਬਾਗ ਵਿਖੇ ਕੀਤਾ ਗਿਆ। ਇਹ ਸੇਵਾ ਕਾਰਜ United Sikhs, Anonymous Hope NGO ਅਤੇ Insaniyat Foundation ਦੇ ਸਹਿਯੋਗ ਨਾਲ 20 ਅਪ੍ਰੈਲ ਨੂੰ ਆਯੋਜਿਤ ਕੀਤਾ ਗਿਆ।

ਇਸ ਕੈਂਪ ਵਿੱਚ ਵੱਡੀ ਗਿਣਤੀ ਵਿੱਚ ਲੋਕਾਂ ਨੇ ਹਿੱਸਾ ਲਿਆ, ਜਿੱਥੇ 100 ਤੋਂ ਵੱਧ ਲੋਕਾਂ ਨੇ ਆਪਣਾ ਮੁਫ਼ਤ ਮੈਡੀਕਲ ਚੈਕਅੱਪ ਕਰਵਾਇਆ। ਨਾਲ ਹੀ ਲੋੜਵੰਦਾਂ ਨੂੰ ਮੁਫ਼ਤ ਦਵਾਈਆਂ ਵੀ ਵੰਡੀਆਂ ਗਈਆਂ। ਬੱਚਿਆਂ ਲਈ ORS ਅਤੇ ਔਰਤਾਂ ਲਈ ਸੈਨੇਟਰੀ ਪੈਡਸ ਵੀ ਉਪਲਬਧ ਕਰਵਾਏ ਗਏ, ਜੋ ਕਿ ਇਸ ਕੈਂਪ ਦੀ ਇੱਕ ਖਾਸ ਪਹਲ ਰਹੀ।

ਮੈਡੀਕਲ ਸੇਵਾਵਾਂ ਲਈ Gurdaspur Medicity Hospital ਤੋਂ ਡਾ. ਅਵਨੀਕ ਕੌਰ ਅਤੇ ਉਹਨਾਂ ਦੀ ਟੀਮ ਨੇ ਸੇਵਾ ਨਿਭਾਈ, ਜਦਕਿ ਡਾ. ਅੰਕੁਸ਼ ਰਾਣਾ ਨੇ ਵੀ ਮਰੀਜ਼ਾਂ ਦਾ ਮੁਆਇਨਾ ਕੀਤਾ।

ਇਸ ਸਮਾਗਮ ਨੂੰ ਸਫਲ ਬਣਾਉਣ ਲਈ ਵਿਦੇਸ਼ਾਂ ਤੋਂ ਵੀ ਵੱਡਾ ਸਹਿਯੋਗ ਮਿਲਿਆ। ਸ. ਇੰਦਰਪਾਲ ਸਿੰਘ (ਕੈਨੇਡਾ), ਸ. ਦਵਿੰਦਰ ਸਿੰਘ (ਕੈਨੇਡਾ) ਅਤੇ ਦਲੇਰ ਸਿੰਘ (ਯੂ.ਕੇ.) ਵੱਲੋਂ ਖਾਸ ਯੋਗਦਾਨ ਦਿੱਤਾ ਗਿਆ।

ਕੈਂਪ ਵਿੱਚ ਮੁੱਖ ਮਹਿਮਾਨ ਵਜੋਂ Aruna Chaudhary ਅਤੇ ਅਸ਼ੋਕ ਕੁਮਾਰ ਜੀ ਨੇ ਸ਼ਿਰਕਤ ਕੀਤੀ। ਇਸ ਤੋਂ ਇਲਾਵਾ ਨੇੜਲੇ ਪਿੰਡਾਂ ਦੇ ਸਰਪੰਚਾਂ, ਸਮਾਜਿਕ ਸੰਸਥਾਵਾਂ ਅਤੇ ਕਈ ਹੋਰ ਪ੍ਰਮੁੱਖ ਸ਼ਖਸੀਅਤਾਂ ਨੇ ਵੀ ਆਪਣੀ ਹਾਜ਼ਰੀ ਲਗਵਾਈ। ਸੰਸਥਾ ਵੱਲੋਂ ਸਾਰੇ ਮਹਿਮਾਨਾਂ ਦਾ ਸਨਮਾਨ ਵੀ ਕੀਤਾ ਗਿਆ।

ਕੈਂਪ ਦੇ ਆਯੋਜਨ ਵਿੱਚ ਪ੍ਰੋਜੈਕਟ ਕੋਆਰਡੀਨੇਟਰ ਸ. ਕਰਮਬੀਰ ਸਿੰਘ ਅਤੇ ਕੈਂਪ ਕੋਆਰਡੀਨੇਟਰ ਸ. ਅਮਨਦੀਪ ਸਿੰਘ ਨੇ ਮੁੱਖ ਭੂਮਿਕਾ ਨਿਭਾਈ। ਇਸ ਮੌਕੇ ਸੇਵਾਦਾਰਾਂ ਵਿੱਚ ਸ. ਕਰਨਬੀਰ ਸਿੰਘ ਖਾਲਸਾ, ਸ. ਸਰਬਜੀਤ ਸਿੰਘ, ਸ. ਗੁਰਬਚਨ ਸਿੰਘ, ਸ. ਨਵਜੀਤ ਸਿੰਘ ਖਾਲਸਾ, ਸ. ਨਵਪ੍ਰੀਤ ਸਿੰਘ, ਹਰਪ੍ਰੀਤ ਸਿੰਘ, ਸ. ਸੁਖਪਾਲ ਸਿੰਘ, ਅੰਕੁਸ਼ ਭੋਗਲ, ਵਿਰੂਨ ਸਾਰੰਗਲ, ਸੋਨੂ ਸਮਿਆਲ (ਸਮਾਇਲ ਭੰਗੜਾ ਸੋਸਾਇਟੀ), ਸਲੋਨੀ ਅੰਬਾ, ਨੇਹਾ ਕਸ਼ਯਪ ਅਤੇ ਕੰਚਨ ਜੀ ਵੀ ਮੌਜੂਦ ਰਹੇ।

ਇਹ ਸੇਵਾ ਕੈਂਪ ਸਮਾਜ ਵਿੱਚ ਸੇਵਾ, ਸਹਿਯੋਗ ਅਤੇ ਮਨੁੱਖਤਾ ਦਾ ਸ਼ਾਨਦਾਰ ਉਦਾਹਰਨ ਬਣਿਆ।