Blood Donation Camp & Medical Camp: ਵਿਸਾਖ ਸੰਗਰਾਂਦ ਅਤੇ ਖਾਲਸਾ ਸਾਜਣਾ ਦਿਵਸ ਨੂੰ ਸਮਰਪਿਤ ਗੁਰਦੁਆਰਾ ਸ਼ਹੀਦ ਬੀਬੀ ਸੁੰਦਰੀ ਜੀ ਵਿਖੇ ਵਿਸ਼ਾਲ ਸੇਵਾ ਕੈਂਪ ਦਾ ਆਯੋਜਨ

ਵਿਸਾਖ ਮਹੀਨੇ ਦੀ ਸੰਗਰਾਂਦ ਅਤੇ ਖਾਲਸਾ ਸਾਜਣਾ ਦਿਵਸ ਨੂੰ ਸਮਰਪਿਤ, ਅੱਜ ਗੁਰਦੁਆਰਾ ਸ਼ਹੀਦ ਬੀਬੀ ਸੁੰਦਰੀ ਜੀ ਵਿਖੇ ਯੂਨਾਈਟਿਡ ਸਿੱਖਸ, ਅਨੋਨਿਮਸ ਹੋਪ ਐਨਜੀਓ ਅਤੇ ਇਨਸਾਨੀਅਤ ਫਾਊਂਡੇਸ਼ਨ ਦੇ ਸਹਿਯੋਗ ਨਾਲ ਇੱਕ ਵਿਸ਼ਾਲ ਖੂਨ ਦਾਨ ਕੈਂਪ ਅਤੇ ਮੈਡੀਕਲ ਕੈਂਪ ਦਾ ਸਫਲ ਆਯੋਜਨ ਕੀਤਾ ਗਿਆ।

ਇਸ ਮੌਕੇ ‘ਤੇ 200 ਤੋਂ ਵੱਧ ਲੋਕਾਂ ਨੇ ਆਪਣੇ ਸਿਹਤ ਜਾਂਚ (ਚੈਕਅੱਪ) ਕਰਵਾਏ। ਮੈਡੀਕਲ ਕੈਂਪ ਦੌਰਾਨ ਲੋੜਵੰਦਾਂ ਨੂੰ ਮੁਫ਼ਤ ਦਵਾਈਆਂ ਵੀ ਵੰਡੀਆਂ ਗਈਆਂ। ਇਸਦੇ ਨਾਲ ਹੀ ਬੱਚਿਆਂ ਲਈ ਓ.ਆਰ.ਐਸ. ਪੈਕੇਟ ਅਤੇ ਔਰਤਾਂ ਲਈ ਸੈਨੇਟਰੀ ਪੈਡਸ ਵੀ ਉਪਲਬਧ ਕਰਵਾਏ ਗਏ, ਜਿਸ ਨਾਲ ਸਮਾਜਿਕ ਸੇਵਾ ਦਾ ਮਹੱਤਵਪੂਰਨ ਸੁਨੇਹਾ ਦਿੱਤਾ ਗਿਆ।

ਮੈਡੀਕਲ ਕੈਂਪ ਵਿੱਚ ਗੁਰਦਾਸਪੁਰ ਮੈਡੀਸਿਟੀ ਹਸਪਤਾਲ ਤੋਂ ਡਾ. ਗੁਰਪ੍ਰੀਤ ਕੌਰ ਬੱਬਰ, ਡਾ. ਮਨਜੀਤ ਸਿੰਘ ਬੱਬਰ ਅਤੇ ਉਹਨਾਂ ਦੀ ਟੀਮ ਨੇ ਲੋਕਾਂ ਦੀ ਜਾਂਚ ਕੀਤੀ। ਇਸਦੇ ਨਾਲ ਹੀ ਡਾ. ਅੰਕੁਸ਼ ਰਾਣਾ ਜੀ ਨੇ ਵੀ ਆਪਣੀ ਸੇਵਾਵਾਂ ਦਿੱਤੀਆਂ ਅਤੇ ਮਰੀਜ਼ਾਂ ਦੀ ਜਾਂਚ ਵਿੱਚ ਯੋਗਦਾਨ ਪਾਇਆ।

ਖੂਨ ਦਾਨ ਕੈਂਪ ਦਾ ਆਯੋਜਨ ਮਾਸਟਰ ਨਿਰਮਲ ਸਿੰਘ ਸੇਵਾ ਸੋਸਾਇਟੀ ਅਤੇ ਪਿੰਡ ਬਹੂਰੀਆਂ ਸੈਣੀ ਦੇ ਸਹਿਯੋਗ ਨਾਲ ਕੀਤਾ ਗਿਆ, ਜਿਸ ਦੀ ਅਗਵਾਈ ਪ੍ਰਧਾਨ ਇਕਬਾਲ ਸਿੰਘ ਸੋਨੂੰ ਵੀਰ ਜੀ ਨੇ ਕੀਤੀ। ਇਸ ਉਪਰਾਲੇ ਨੂੰ ਸਮਾਜਿਕ ਸੇਵਾ ਦੀ ਇਕ ਮਿਸਾਲ ਵਜੋਂ ਦੇਖਿਆ ਗਿਆ।

ਇਸ ਸਮਾਗਮ ਦੌਰਾਨ ਯੂਨਾਈਟਿਡ ਸਿੱਖਸ ਅਤੇ ਅਨੋਨਿਮਸ ਹੋਪ ਐਨਜੀਓ ਦੇ ਸੇਵਾਦਾਰ ਸ. ਅਮਨਦੀਪ ਸਿੰਘ, ਸ. ਕਰਮਬੀਰ ਸਿੰਘ, ਸ. ਕਰਨਬੀਰ ਸਿੰਘ ਖਾਲਸਾ, ਸ. ਸਰਬਜੀਤ ਸਿੰਘ, ਸ. ਗੁਰਬਚਨ ਸਿੰਘ, ਸ. ਨਵਜੀਤ ਸਿੰਘ ਖਾਲਸਾ, ਸ. ਨਵਪ੍ਰੀਤ ਸਿੰਘ, ਹਰਪ੍ਰੀਤ ਸਿੰਘ, ਸ. ਸੁਖਪਾਲ ਸਿੰਘ, ਅੰਕੁਸ਼ ਭੋਗਲ ਅਤੇ ਸੋਨੂੰ ਸਮਿਆਲ ਜੀ ਆਦਿ ਹਾਜ਼ਰ ਰਹੇ।

ਇਹ ਕੈਂਪ ਨਾ ਸਿਰਫ਼ ਸਿਹਤ ਸੇਵਾਵਾਂ ਪ੍ਰਦਾਨ ਕਰਨ ਲਈ ਸਫਲ ਰਿਹਾ, ਸਗੋਂ ਇਸਨੇ ਸਮਾਜ ਵਿੱਚ ਸੇਵਾ, ਭਾਈਚਾਰੇ ਅਤੇ ਮਨੁੱਖਤਾ ਦਾ ਸੁਨੇਹਾ ਵੀ ਮਜ਼ਬੂਤ ਕੀਤਾ।