Fly91 Flight Panic: 4 ਘੰਟੇ ਹਵਾਈ ਦਹਿਸ਼ਤ, ਮੌਸਮ ਖਰਾਬ ਹੋਣ ਕਾਰਨ ਯਾਤਰੀ ਡਰੇ-ਸਹਮੇ

ਹੈਦਰਾਬਾਦ ਤੋਂ ਹੁਬਲੀ ਜਾ ਰਹੀ ਇੱਕ Fly91 Airlines ਦੀ ਉਡਾਣ ਵਿੱਚ ਉਸ ਵੇਲੇ ਹੜਕੰਪ ਮਚ ਗਿਆ ਜਦੋਂ ਖਰਾਬ ਮੌਸਮ ਕਾਰਨ ਯਾਤਰੀਆਂ ਨੂੰ ਕਰੀਬ 4 ਘੰਟਿਆਂ ਤੱਕ ਹਵਾ ਵਿੱਚ ਦਹਿਸ਼ਤ ਭਰੇ ਪਲਾਂ ਦਾ ਸਾਹਮਣਾ ਕਰਨਾ ਪਿਆ। ਇਸ ਘਟਨਾ ਨੂੰ Fly91 Flight Panic ਵਜੋਂ ਵੇਖਿਆ ਜਾ ਰਿਹਾ ਹੈ, ਜਿੱਥੇ ਯਾਤਰੀ ਡਰ ਦੇ ਮਾਰੇ ਰੋਣ ਅਤੇ ਪ੍ਰਾਰਥਨਾ ਕਰਨ ਲੱਗ ਪਏ।

ਇਹ ਉਡਾਣ IC3401, ਜੋ ਕਿ ਹੈਦਰਾਬਾਦ ਦੇ Rajiv Gandhi International Airport ਤੋਂ ਦੁਪਹਿਰ ਕਰੀਬ 3 ਵਜੇ ਉਡੀਕ ਭਰੀ, ਹੁਬਲੀ ਪਹੁੰਚਣੀ ਸੀ ਸ਼ਾਮ 4:30 ਵਜੇ। ਪਰ ਜਿਵੇਂ ਹੀ ਜਹਾਜ਼ ਹੁਬਲੀ ਦੇ ਨੇੜੇ ਪਹੁੰਚਿਆ, ਮੌਸਮ ਖਰਾਬ ਹੋਣ ਕਾਰਨ ਪਾਇਲਟਾਂ ਨੂੰ ਲੈਂਡਿੰਗ ਰੱਦ ਕਰਨੀ ਪਈ।

ਇਸ ਤੋਂ ਬਾਅਦ ਜਹਾਜ਼ ਕਰੀਬ 4 ਘੰਟਿਆਂ ਤੱਕ ਮੂੰਦਗੋਡ, ਦਵਨਗੇਰੇ ਅਤੇ ਸ਼ਿਵਮੋਗਾ ਇਲਾਕਿਆਂ ’ਚ ਚੱਕਰ ਲਾਉਂਦਾ ਰਿਹਾ। ਇਸ ਦੌਰਾਨ ਜਹਾਜ਼ ਵਿੱਚ ਮੌਜੂਦ ਯਾਤਰੀਆਂ ਵਿੱਚ ਡਰ ਦਾ ਮਾਹੌਲ ਬਣ ਗਿਆ। ਇੱਕ ਵੀਡੀਓ ਵਿੱਚ ਯਾਤਰੀਆਂ ਨੂੰ “Oh my God” ਚੀਕਦੇ ਅਤੇ ਰੋਂਦੇ ਹੋਏ ਵੀ ਸੁਣਿਆ ਗਿਆ। ਕੁਝ ਯਾਤਰੀ ਪਾਇਲਟ ਨੂੰ ਬੇਨਤੀ ਕਰ ਰਹੇ ਸਨ ਕਿ ਜਹਾਜ਼ ਨੂੰ ਬੈਂਗਲੁਰੂ ਜਾਂ ਬੇਲਗਾਮ ਵੱਲ ਮੋੜ ਦਿੱਤਾ ਜਾਵੇ।

ਪਾਇਲਟ ਵੱਲੋਂ ਯਾਤਰੀਆਂ ਨੂੰ ਸ਼ਾਂਤ ਰਹਿਣ ਅਤੇ ਹਦਾਇਤਾਂ ਦੀ ਪਾਲਣਾ ਕਰਨ ਲਈ ਕਿਹਾ ਗਿਆ। ਇਸਦੇ ਬਾਵਜੂਦ ਕਈ ਯਾਤਰੀ ਡਰ ਦੇ ਮਾਰੇ ਰੋ ਪਏ ਅਤੇ ਪ੍ਰਾਰਥਨਾ ਕਰਨ ਲੱਗ ਪਏ।

ਬਾਅਦ ਵਿੱਚ ਜਹਾਜ਼ ਨੂੰ ਬੈਂਗਲੁਰੂ ਦੇ Kempegowda International Airport ਵੱਲ ਡਾਈਵਰਟ ਕੀਤਾ ਗਿਆ, ਜਿੱਥੇ ਇਹ ਸ਼ਾਮ ਕਰੀਬ 7:30 ਵਜੇ ਸੁਰੱਖਿਅਤ ਲੈਂਡ ਕਰ ਗਿਆ।

ਇਸ ਘਟਨਾ ਤੋਂ ਬਾਅਦ ਯਾਤਰੀਆਂ ਦੇ ਪਰਿਵਾਰਕ ਮੈਂਬਰਾਂ ਨੇ ਏਅਰਲਾਈਨ ’ਤੇ ਨਾਰਾਜ਼ਗੀ ਜਤਾਈ ਅਤੇ ਦੋਸ਼ ਲਗਾਇਆ ਕਿ ਉਨ੍ਹਾਂ ਨੂੰ ਢੰਗ ਨਾਲ ਜਾਣਕਾਰੀ ਨਹੀਂ ਦਿੱਤੀ ਗਈ। ਹਾਲਾਂਕਿ, Fly91 Airlines ਨੇ ਸਪੱਸ਼ਟ ਕੀਤਾ ਹੈ ਕਿ ਜਹਾਜ਼ ਵਿੱਚ ਕੋਈ ਤਕਨੀਕੀ ਖਰਾਬੀ ਨਹੀਂ ਸੀ ਅਤੇ ਸਾਰੀ ਕਾਰਵਾਈ ਮਿਆਰੀ ਸੁਰੱਖਿਆ ਪ੍ਰਕਿਰਿਆ ਦੇ ਤਹਿਤ ਕੀਤੀ ਗਈ।

ਏਅਰਲਾਈਨ ਨੇ ਕਿਹਾ ਕਿ ਮੌਸਮ ਖਰਾਬ ਹੋਣ ਕਾਰਨ ਜਹਾਜ਼ ਨੂੰ ਰੋਕਣਾ ਅਤੇ ਫਿਰ ਬੈਂਗਲੁਰੂ ਵੱਲ ਮੋੜਨਾ ਸੁਰੱਖਿਆ ਲਈ ਲਾਜ਼ਮੀ ਸੀ ਅਤੇ ਇਸ ਵਿੱਚ ਕਿਸੇ ਵੀ ਤਰ੍ਹਾਂ ਦੀ ਲਾਪਰਵਾਹੀ ਨਹੀਂ ਹੋਈ।