20 Crore Crypto Scam in Punjab: 76 ਫਰਜ਼ੀ ਖਾਤਿਆਂ ਰਾਹੀਂ ਵੱਡੀ ਠੱਗੀ ਬੇਨਕਾਬ

ਚੰਡੀਗੜ੍ਹ: ਪੰਜਾਬ ਵਿੱਚ ਇੱਕ ਵੱਡਾ 20 Crore Crypto Scam in Punjab ਸਾਹਮਣੇ ਆਇਆ ਹੈ, ਜਿਸ ਨੇ ਸੂਬੇ ਦੀ ਸਾਈਬਰ ਸੁਰੱਖਿਆ ’ਤੇ ਗੰਭੀਰ ਸਵਾਲ ਖੜੇ ਕਰ ਦਿੱਤੇ ਹਨ। Punjab Police ਦੇ ਸਾਈਬਰ ਕ੍ਰਾਈਮ ਡਿਵੀਜ਼ਨ ਵੱਲੋਂ ਇਸ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ, ਜਿਸ ਵਿੱਚ ਲੁਧਿਆਣਾ ਦੇ ਇੱਕ ਉਦਯੋਗਪਤੀ ਨਾਲ ਕਰੀਬ 20 ਕਰੋੜ ਰੁਪਏ ਦੀ ਠੱਗੀ ਹੋਣ ਦਾ ਖੁਲਾਸਾ ਹੋਇਆ ਹੈ।

ਇਕੋ ਤਰੀਕੇ ਨਾਲ ਪਹਿਲਾਂ ਵੀ ਹੋ ਚੁੱਕੀ ਠੱਗੀ

ਜਾਂਚ ਦੌਰਾਨ ਇਹ ਵੀ ਸਾਹਮਣੇ ਆਇਆ ਹੈ ਕਿ ਇਹ ਠੱਗੀ ਦਾ ਤਰੀਕਾ (modus operandi) ਪਹਿਲਾਂ ਵੀ ਵਰਤਿਆ ਗਿਆ ਸੀ। ਪਿਛਲੇ ਸਾਲ ਦਸੰਬਰ ਵਿੱਚ ਸਾਬਕਾ ਆਈ.ਜੀ. Amar Singh Chahal ਨਾਲ ਵੀ ਲਗਭਗ 8.10 ਕਰੋੜ ਰੁਪਏ ਦੀ ਠੱਗੀ ਇਸੇ ਤਰੀਕੇ ਨਾਲ ਕੀਤੀ ਗਈ ਸੀ। ਠੱਗਾਂ ਨੇ ਨਕਲੀ ਟਰੇਡਿੰਗ ਪਲੇਟਫਾਰਮ ਅਤੇ ਫਰਜ਼ੀ ਡਿਜੀਟਲ ਡੈਸ਼ਬੋਰਡ ਬਣਾਕੇ ਭਾਰੀ ਮੁਨਾਫ਼ੇ ਦਾ ਝਾਂਸਾ ਦਿੱਤਾ ਸੀ।

76 ਫਰਜ਼ੀ ਖਾਤਿਆਂ ਵਿੱਚ ਪੈਸਾ ਟ੍ਰਾਂਸਫਰ

ਐਫ.ਆਈ.ਆਰ ਮੁਤਾਬਕ ਪੀੜਤ ਉਦਯੋਗਪਤੀ ਜਗਦੀਪ ਸਿੰਘਲ ਤੋਂ ਕੁੱਲ 19,84,30,000 ਰੁਪਏ ਠੱਗੇ ਗਏ। ਇਹ ਰਕਮ 15 ਮਈ 2025 ਤੋਂ 20 ਨਵੰਬਰ 2025 ਦੇ ਵਿਚਕਾਰ 15 ਵੱਖ-ਵੱਖ ਬੈਂਕਾਂ ਦੇ 76 ਫਰਜ਼ੀ ਖਾਤਿਆਂ ਵਿੱਚ ਟ੍ਰਾਂਸਫਰ ਕਰਵਾਈ ਗਈ। ਹੈਰਾਨੀਜਨਕ ਗੱਲ ਇਹ ਹੈ ਕਿ ਸਿਰਫ਼ 17 ਤੋਂ 20 ਨਵੰਬਰ ਦੇ ਵਿਚਕਾਰ ਚਾਰ ਦਿਨਾਂ ਵਿੱਚ ਹੀ 5 ਕਰੋੜ ਰੁਪਏ ਤੋਂ ਵੱਧ ਦੀ ਰਕਮ ਜਮ੍ਹਾਂ ਕਰਵਾਈ ਗਈ।

ਦੇਸ਼ ਭਰ ਵਿੱਚ ਫੈਲਾ ਮਿਊਲ ਖਾਤਿਆਂ ਦਾ ਜਾਲ

ਪੁਲੀਸ ਜਾਂਚ ਵਿੱਚ ਪਤਾ ਲੱਗਾ ਹੈ ਕਿ ਠੱਗਾਂ ਨੇ ਦਿੱਲੀ, ਮੁੰਬਈ, ਮਹਾਰਾਸ਼ਟਰ, ਗੁਜਰਾਤ, ਪੰਜਾਬ ਅਤੇ ਬੰਗਲੁਰੂ ਵਿੱਚ ਫੈਲੇ ‘ਮਿਊਲ ਖਾਤਿਆਂ’ ਦਾ ਵੱਡਾ ਨੈੱਟਵਰਕ ਬਣਾਇਆ ਹੋਇਆ ਸੀ। ਇਨ੍ਹਾਂ ਖਾਤਿਆਂ ਰਾਹੀਂ ਪੈਸੇ ਨੂੰ ਤੇਜ਼ੀ ਨਾਲ ਇੱਧਰ-ਉੱਧਰ ਕਰਕੇ ਟ੍ਰੇਸ ਕਰਨਾ ਮੁਸ਼ਕਿਲ ਬਣਾਇਆ ਗਿਆ।

ਬੈਂਕਾਂ ਵਿੱਚ ਟ੍ਰਾਂਸਫਰ ਦਾ ਵੇਰਵਾ

• IDFC ਬੈਂਕ – 19 ਖਾਤੇ (5.14 ਕਰੋੜ ਰੁਪਏ)

• ICICI ਬੈਂਕ – 15 ਖਾਤੇ (5.23 ਕਰੋੜ ਰੁਪਏ)

• ਬੈਂਕ ਆਫ ਬੜੌਦਾ – 13 ਖਾਤੇ (3.39 ਕਰੋੜ ਰੁਪਏ)

• ਐਕਸਿਸ ਬੈਂਕ – 8 ਖਾਤੇ (1.88 ਕਰੋੜ ਰੁਪਏ)

• ਹੋਰ ਕਈ ਨਿੱਜੀ ਅਤੇ ਸਰਕਾਰੀ ਬੈਂਕ ਵੀ ਸ਼ਾਮਲ

ਸੋਸ਼ਲ ਮੀਡੀਆ ਰਾਹੀਂ ਰਚਿਆ ਗਿਆ ਠੱਗੀ ਦਾ ਜਾਲ

ਪੀੜਤ ਦੇ ਬਿਆਨ ਅਨੁਸਾਰ, ਉਸ ਨਾਲ ਪਹਿਲਾਂ ਫੇਸਬੁੱਕ ਰਾਹੀਂ ਸੰਪਰਕ ਕੀਤਾ ਗਿਆ। ਬਾਅਦ ਵਿੱਚ ‘ਅਨਾਮਿਕਾ ਰਾਏ’ ਨਾਮ ਦੀ ਔਰਤ ਨੇ ਵਟਸਐਪ ਰਾਹੀਂ ਗੱਲਬਾਤ ਕਰਕੇ ਆਪਣੇ ਆਪ ਨੂੰ ਕ੍ਰਿਪਟੋ ਐਕਸਚੇਂਜ ਦੀ ਪ੍ਰਤੀਨਿਧੀ ਦੱਸਿਆ। ਉਸ ਨੇ ਨਿਵੇਸ਼ ਲਈ ਉਤਸ਼ਾਹਿਤ ਕੀਤਾ ਅਤੇ ਇੱਕ ਨਕਲੀ ਵੈੱਬਸਾਈਟ ’ਤੇ ਭਾਰੀ ਮੁਨਾਫ਼ਾ ਦਿਖਾਇਆ।

ਜਦੋਂ ਨਿਵੇਸ਼ ਵਧਾਇਆ ਗਿਆ, ਤਾਂ ਡੈਸ਼ਬੋਰਡ ’ਤੇ 43 ਲੱਖ ਡਾਲਰ ਤੋਂ ਵੱਧ ਦਾ ਫਰਜ਼ੀ ਮੁਨਾਫ਼ਾ ਦਿਖਾਇਆ ਗਿਆ, ਜਿਸ ਨਾਲ ਪੀੜਤ ਹੋਰ ਨਿਵੇਸ਼ ਕਰਨ ਲਈ ਪ੍ਰੇਰਿਤ ਹੋ ਗਿਆ। ਅੰਤ ਵਿੱਚ, ਠੱਗਾਂ ਨੇ ‘ਟੈਕਸ’ ਅਤੇ ‘ਗ੍ਰੀਨ ਚੈਨਲ ਫੀਸ’ ਦੇ ਨਾਮ ’ਤੇ ਹੋਰ ਪੈਸੇ ਮੰਗ ਕੇ ਠੱਗੀ ਨੂੰ ਅੰਜਾਮ ਦਿੱਤਾ।

ਪੁਲੀਸ ਦਾ ਬਿਆਨ

ਪੁਲੀਸ ਮੁਤਾਬਕ, ਇਹ ਪੰਜਾਬ ਦੇ ਸਭ ਤੋਂ ਵੱਡੇ ਸਾਈਬਰ ਫਰਾਡ ਮਾਮਲਿਆਂ ਵਿੱਚੋਂ ਇੱਕ ਹੈ ਅਤੇ ਇਸਦੇ ਪਿੱਛੇ ਇਕ ਵੱਡਾ ਸੰਗਠਿਤ ਗਿਰੋਹ ਹੋਣ ਦੀ ਸੰਭਾਵਨਾ ਹੈ। ਜਾਂਚ ਜਾਰੀ ਹੈ ਅਤੇ ਦੋਸ਼ੀਆਂ ਦੀ ਪਛਾਣ ਕਰਨ ਲਈ ਕਈ ਰਾਜਾਂ ਵਿੱਚ ਛਾਪੇਮਾਰੀ ਕੀਤੀ ਜਾ ਰਹੀ ਹੈ।