Raghav Chadha joins BJP : ਆਮ ਆਦਮੀ ਪਾਰਟੀ ਛੱਡਣ ਤੋਂ ਬਾਅਦ ਵੱਡਾ ਝਟਕਾ, Instagram ‘ਤੇ 1 ਮਿਲੀਅਨ ਫਾਲੋਅਰ ਘਟੇ

Raghav Chadha joins BJP : ਦਿੱਲੀ ਦੀ ਰਾਜਨੀਤੀ ਵਿੱਚ ਵੱਡਾ ਹਲਚਲ ਮਚਾਉਂਦੇ ਹੋਏ Raghav Chadha ਨੇ ਆਮ ਆਦਮੀ ਪਾਰਟੀ (AAP) ਨੂੰ ਛੱਡ ਕੇ Bharatiya Janata Party ਵਿੱਚ ਸ਼ਾਮਲ ਹੋਣ ਦਾ ਫੈਸਲਾ ਕੀਤਾ ਹੈ। ਇਸ ਫੈਸਲੇ ਤੋਂ ਬਾਅਦ ਜਿੱਥੇ ਸਿਆਸੀ ਮਾਹੌਲ ਗਰਮ ਹੋਇਆ ਹੈ, ਉੱਥੇ ਹੀ ਸੋਸ਼ਲ ਮੀਡੀਆ ‘ਤੇ ਵੀ ਇਸ ਦਾ ਵੱਡਾ ਅਸਰ ਵੇਖਣ ਨੂੰ ਮਿਲਿਆ ਹੈ।

ਰਿਪੋਰਟਾਂ ਮੁਤਾਬਕ, ਪਾਰਟੀ ਬਦਲਣ ਦੇ ਕੇਵਲ ਇੱਕ ਦਿਨ ਅੰਦਰ ਹੀ ਰਾਘਵ ਚੱਢਾ ਦੇ Instagram ‘ਤੇ ਲਗਭਗ 1 ਮਿਲੀਅਨ (10 ਲੱਖ) ਫਾਲੋਅਰ ਘਟ ਗਏ। ਸ਼ੁੱਕਰਵਾਰ ਨੂੰ ਜਿੱਥੇ ਉਨ੍ਹਾਂ ਦੇ 14.6 ਮਿਲੀਅਨ ਫਾਲੋਅਰ ਸਨ, ਉਹ ਗਿਣਤੀ ਸ਼ਨੀਵਾਰ ਦੁਪਹਿਰ ਤੱਕ ਘਟ ਕੇ 13.5 ਮਿਲੀਅਨ ਰਹਿ ਗਈ।

ਦੱਸਿਆ ਜਾ ਰਿਹਾ ਹੈ ਕਿ ਇਹ ਵਿਰੋਧ ਖਾਸ ਕਰਕੇ ਨੌਜਵਾਨ ਵਰਗ, ਖਾਸ ਤੌਰ ‘ਤੇ Gen Z ਵੱਲੋਂ ਆ ਰਿਹਾ ਹੈ। ਰਾਘਵ ਚੱਢਾ ਨੇ ਪਹਿਲਾਂ ਨੌਜਵਾਨਾਂ ਨਾਲ ਜੁੜੇ ਮਸਲਿਆਂ ਨੂੰ ਉਠਾ ਕੇ ਇੱਕ ਵੱਖਰੀ ਪਛਾਣ ਬਣਾਈ ਸੀ। ਉਹ ਪਿਤਰਤਾ ਛੁੱਟੀ (paternity leave), ਟ੍ਰੈਫਿਕ ਸਮੱਸਿਆਵਾਂ, ਮੋਬਾਈਲ ਡਾਟਾ ਸੀਮਾਵਾਂ, ਏਅਰਪੋਰਟ ‘ਤੇ ਮਹਿੰਗਾ ਖਾਣਾ ਅਤੇ gig workers ਦੀਆਂ ਮੁਸ਼ਕਲਾਂ ਵਰਗੇ ਮਸਲਿਆਂ ‘ਤੇ ਖੁੱਲ੍ਹ ਕੇ ਬੋਲਦੇ ਰਹੇ ਹਨ।

ਉਨ੍ਹਾਂ ਦੀ ਲੋਕਪ੍ਰਿਯਤਾ ਦਾ ਇੱਕ ਵੱਡਾ ਕਾਰਨ ਇਹ ਵੀ ਸੀ ਕਿ ਉਹ ਲੋਕਾਂ ਨਾਲ ਜੁੜਨ ਲਈ ਜ਼ਮੀਨੀ ਪੱਧਰ ‘ਤੇ ਕੰਮ ਕਰਦੇ ਸਨ। ਇੱਕ ਵਾਰ ਉਹ delivery partner ਵਜੋਂ ਕੰਮ ਕਰਕੇ gig workers ਦੀ ਹਕੀਕਤ ਨੂੰ ਸਮਝਣ ਦੀ ਕੋਸ਼ਿਸ਼ ਵੀ ਕਰ ਚੁੱਕੇ ਹਨ। ਉਨ੍ਹਾਂ ਦੇ ਇਹਨਾਂ ਯਤਨਾਂ ਕਾਰਨ ਸਰਕਾਰ ਨੂੰ 10 ਮਿੰਟ ਦੀ ਡਿਲਿਵਰੀ ਵਰਗੀਆਂ ਸਖ਼ਤ ਨੀਤੀਆਂ ‘ਤੇ ਵੀ ਵਿਚਾਰ ਕਰਨਾ ਪਿਆ ਸੀ।

ਹਾਲਾਂਕਿ, BJP ਵਿੱਚ ਜਾਣ ਦੇ ਫੈਸਲੇ ਨਾਲ ਉਨ੍ਹਾਂ ਦੀ ਇਸ ਛਵੀ ਨੂੰ ਝਟਕਾ ਲੱਗਿਆ ਹੈ ਅਤੇ ਨੌਜਵਾਨਾਂ ਵਿੱਚ ਨਾਰਾਜ਼ਗੀ ਵੇਖਣ ਨੂੰ ਮਿਲ ਰਹੀ ਹੈ। ਉਨ੍ਹਾਂ ਦੇ ਇਸ ਕਦਮ ਨੇ Arvind Kejriwal ਦੀ ਅਗਵਾਈ ਵਾਲੀ AAP ਲਈ ਵੀ ਚੁਣੌਤੀ ਖੜ੍ਹੀ ਕਰ ਦਿੱਤੀ ਹੈ, ਕਿਉਂਕਿ ਰਾਘਵ ਚੱਢਾ ਆਪਣੇ ਨਾਲ ਛੇ ਰਾਜ ਸਭਾ ਸੰਸਦ ਮੈਂਬਰਾਂ ਨੂੰ ਵੀ ਲੈ ਗਏ ਹਨ।

ਮਾਹਿਰਾਂ ਦੇ ਮੁਤਾਬਕ, ਇਹ ਸਿਰਫ ਸਿਆਸੀ ਬਦਲਾਅ ਨਹੀਂ, ਸਗੋਂ ਸੋਸ਼ਲ ਮੀਡੀਆ ‘ਤੇ ਇੱਕ ਵੱਡਾ ਸਿਗਨਲ ਹੈ ਕਿ ਨੌਜਵਾਨ ਵੋਟਰ ਆਪਣੇ ਮਨਪਸੰਦ ਨੇਤਾਵਾਂ ਤੋਂ ਕੀ ਉਮੀਦ ਰੱਖਦੇ ਹਨ।