ਨਵੀਂ ਦਿੱਲੀ – ਸ਼ੁੱਕਰਵਾਰ ਨੂੰ ਪਾਰਲੀਮੈਂਟ ਦੇ ਸੈਸ਼ਨ ਦੌਰਾਨ, AAP ਦੇ ਸੰਸਦ ਮੈਂਬਰ ਰਾਘਵ ਚੱਢਾ ਨੇ ਦੇਸ਼ ਭਰ ਦੇ ਗਿੱਗ ਅਤੇ ਐਪ-ਆਧਾਰਤ ਵਰਕਰਾਂ ਦੀਆਂ ਮੁਸ਼ਕਲ ਕਾਲਾਤਾਂ 'ਤੇ ਗੰਭੀਰ ਚਿੰਤਾ ਜਤਾਈ। ਉਹਨਾਂ ਨੇ ਕਿਹਾ ਕਿ ਇਹ ਵਰਕਰ ਭਾਰਤੀ ਅਰਥਵਿਵਸਥਾ ਦੇ “ਅਦ੍ਰਿਸ਼ਟ ਪਹੀਆ” ਹਨ, ਜਿਨ੍ਹਾਂ ਬਿਨਾਂ ਕਈ ਵੱਡੀਆਂ ਐਪ ਕੰਪਨੀਆਂ ਚੱਲ ਨਹੀਂ ਸਕਦੀਆਂ, ਪਰ ਇਨ੍ਹਾਂ ਕੋਲ ਬੁਨਿਆਦੀ ਸੁਰੱਖਿਆ ਵੀ ਨਹੀਂ।

ਰਾਘਵ ਚੱਢਾ ਨੇ ਜ਼ੋਮਾਟੋ ਅਤੇ ਸਵਿੱਗੀ ਵਰਗੀਆਂ ਡਿਲਿਵਰੀ ਐਪਾਂ, ਓਲਾ–ਊਬਰ ਵਰਗੀਆਂ ਰਾਈਡ ਸੇਵਾਵਾਂ, ਬਲਿੰਕਿਟ–ਜ਼ੈਪਟੋ ਵਰਗੀਆਂ ਕਵਿਕ ਕਾਮਰਸ ਪਲੇਟਫਾਰਮਾਂ ਅਤੇ ਘਰੇਲੂ ਸੇਵਾਵਾਂ ਦੇ ਵਰਕਰਾਂ—ਜਿਵੇਂ ਪਲੰਬਰ, ਇਲੈਕਟ੍ਰੀਸ਼ਨ ਅਤੇ ਬਿਊਟੀਸ਼ੀਅਨ—ਦੀ ਗਿਣਤੀ ਕਰਵਾਈ।

ਉਹਨਾਂ ਨੇ “10 ਮਿੰਟ ਡਿਲਿਵਰੀ” ਦੇ ਰੁਝਾਨ ਨੂੰ ਕਠੋਰ ਅਤੇ ਖ਼ਤਰਨਾਕ ਦੱਸਦੇ ਹੋਏ ਕਿਹਾ ਕਿ ਕੰਪਨੀਆਂ ਦੇ ਇਸ ਦਬਾਅ ਕਰਕੇ ਵਰਕਰ ਆਪਣੀ ਜਾਨ ਨੂੰ ਜੋਖਮ ਵਿੱਚ ਪਾਂਦੇ ਹਨ, ਸੜਕ ਨਿਯਮ ਤੋੜਦੇ ਹਨ ਅਤੇ ਕਈ ਵਾਰ ਰੇਟਿੰਗ ਡਿੱਗਣ ਜਾਂ ਇਨਸੈਂਟਿਵ ਖਤਮ ਹੋਣ ਦੇ ਡਰ ਕਰਕੇ ਬਿਨਾਂ ਰੁਕੇ ਦੌੜਦੇ ਰਹਿੰਦੇ ਹਨ।

ਰਾਘਵ ਚੱਢਾ ਨੇ ਕਿਹਾ ਕਿ ਇਹਨਾਂ ਵਰਕਰਾਂ ਦੀ ਸਥਿਤੀ ਅੱਜ ਦੈਨੀਕ ਮਜ਼ਦੂਰਾਂ ਨਾਲੋਂ ਵੀ ਬਦਤਰ ਹੋ ਚੁੱਕੀ ਹੈ—12 ਤੋਂ 14 ਘੰਟੇ ਕੰਮ, ਨਾ ਸੋਸ਼ਲ ਸੁਰੱਖਿਆ, ਨਾ ਕੋਈ ਇਕਸਿਡੈਂਟ ਕਵਰ ਅਤੇ ਨਾ ਹੀ ਯਕੀਨੀ ਆਮਦਨੀ।

ਪਾਰਲੀਮੈਂਟ ਵਿੱਚ ਸੰਬੋਧਨ ਕਰਦਿਆਂ ਉਹਨਾਂ ਨੇ ਕਿਹਾ, “ਇਹ ਰੋਬੋਟ ਨਹੀਂ—ਕਿਸੇ ਦੇ ਪਿਤਾ, ਪੁੱਤਰ ਅਤੇ ਭਰਾ ਹਨ।” ਚੱਢਾ ਨੇ ਸਰਕਾਰ ਨੂੰ ਅਪੀਲ ਕੀਤੀ ਕਿ 10 ਮਿੰਟ ਡਿਲਿਵਰੀ ਦੇ ਕਠੋਰ ਦਬਾਅ ਨੂੰ ਰੋਕਿਆ ਜਾਵੇ ਅਤੇ ਗਿੱਗ ਵਰਕਰਾਂ ਦੇ ਹੱਕਾਂ ਦੀ ਰੱਖਿਆ ਲਈ ਪੱਕੇ ਕਦਮ ਚੁੱਕੇ ਜਾਣ।