Lufthansa ਪਾਇਲਟ ਹੜਤਾਲ ਕਾਰਨ 800 ਉਡਾਣਾਂ ਰੱਦ, ਲੱਖਾਂ ਯਾਤਰੀ ਪ੍ਰਭਾਵਿਤ

ਫਰੈਂਕਫਰਟ | 13 ਅਪ੍ਰੈਲ:

ਯੂਰਪ ਦੀ ਹਵਾਈ ਯਾਤਰਾ ‘ਚ ਵੱਡਾ ਵਿਘਨ ਉਸ ਵੇਲੇ ਆਇਆ ਜਦੋਂ Lufthansa ਦੇ ਪਾਇਲਟਾਂ ਨੇ ਹੜਤਾਲ ਸ਼ੁਰੂ ਕਰ ਦਿੱਤੀ। ਇਸ ਕਾਰਨ ਸੈਂਕੜੇ ਉਡਾਣਾਂ ਰੱਦ ਹੋ ਗਈਆਂ ਅਤੇ ਹਜ਼ਾਰਾਂ ਯਾਤਰੀ ਪ੍ਰਭਾਵਿਤ ਹੋਏ।

ਇਹ ਹੜਤਾਲ ਲੁਫਥਾਂਸਾ ਦੇ ਮੁੱਖ ਬ੍ਰਾਂਡ ਨਾਲ ਨਾਲ ਇਸ ਦੀ ਲੋ-ਕੋਸਟ ਸਹਾਇਕ ਕੰਪਨੀ Eurowings ‘ਤੇ ਵੀ ਅਸਰਦਾਰ ਰਹੀ। ਪਾਇਲਟਾਂ ਦੀ ਯੂਨੀਅਨ Vereinigung Cockpit (VC) ਵੱਲੋਂ ਦੋ ਦਿਨਾਂ ਲਈ ਕੰਮ ਬੰਦ ਕਰਨ ਦਾ ਐਲਾਨ ਕੀਤਾ ਗਿਆ ਸੀ।

ਉਡਾਣਾਂ ‘ਤੇ ਵੱਡਾ ਅਸਰ ਪਿਆ। Frankfurt Airport ‘ਤੇ ਲਗਭਗ 570 ਉਡਾਣਾਂ ਰੱਦ ਹੋਈਆਂ, ਜਿਸ ਨਾਲ 50,000 ਤੋਂ ਵੱਧ ਯਾਤਰੀ ਪ੍ਰਭਾਵਿਤ ਹੋਏ। Munich Airport ‘ਤੇ ਦੋ ਦਿਨਾਂ ਵਿੱਚ ਕਰੀਬ 720 ਉਡਾਣਾਂ ਰੱਦ ਹੋਈਆਂ। ਲੁਫਥਾਂਸਾ ਦੀਆਂ ਦੋ-ਤਿਹਾਈ ਛੋਟੀਆਂ ਅਤੇ ਅੱਧੀਆਂ ਲੰਬੀ ਦੂਰੀ ਦੀਆਂ ਉਡਾਣਾਂ ਰੱਦ ਰਹੀਆਂ, ਜਦਕਿ ਯੂਰੋਵਿੰਗਜ਼ ਨੇ ਲਗਭਗ 60 ਫੀਸਦੀ ਉਡਾਣਾਂ ਚਲਾਉਣ ਦਾ ਦਾਅਵਾ ਕੀਤਾ ਹੈ।

ਇਸ ਹੜਤਾਲ ਦਾ ਮੁੱਖ ਕਾਰਨ ਪਾਇਲਟਾਂ ਦੀ ਪੈਨਸ਼ਨ ਸਕੀਮ ਨੂੰ ਲੈ ਕੇ ਚੱਲ ਰਿਹਾ ਵਿਵਾਦ ਹੈ। ਯੂਨੀਅਨ ਵੱਲੋਂ ਕੰਪਨੀ ਕੋਲ ਯੋਗਦਾਨ ਵਿੱਚ ਵੱਡੇ ਵਾਧੇ ਦੀ ਮੰਗ ਕੀਤੀ ਜਾ ਰਹੀ ਹੈ, ਜਿਸ ‘ਤੇ ਹਾਲੇ ਤੱਕ ਸਹਿਮਤੀ ਨਹੀਂ ਬਣੀ।

ਇਸ ਹੜਤਾਲ ਨਾਲ ਯੂਰਪ ਭਰ ਦੀ ਹਵਾਈ ਯਾਤਰਾ ਪ੍ਰਭਾਵਿਤ ਹੋਈ ਹੈ। ਅੰਦਾਜ਼ਾ ਹੈ ਕਿ ਕੁੱਲ 800 ਉਡਾਣਾਂ ਰੱਦ ਹੋ ਸਕਦੀਆਂ ਹਨ ਅਤੇ ਲਗਭਗ 1 ਲੱਖ ਯਾਤਰੀ ਪ੍ਰਭਾਵਿਤ ਹੋਣਗੇ। ਯਾਤਰੀਆਂ ਨੂੰ ਲੰਬੀਆਂ ਕਤਾਰਾਂ, ਆਖਰੀ ਸਮੇਂ ‘ਚ ਰੀ-ਸ਼ਡਿਊਲਿੰਗ ਅਤੇ ਯਾਤਰਾ ਵਿੱਚ ਅਣਸ਼ਚਿਤਤਾ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।

ਲੁਫਥਾਂਸਾ ਵੱਲੋਂ ਯਾਤਰੀਆਂ ਨੂੰ ਅਪੀਲ ਕੀਤੀ ਗਈ ਹੈ ਕਿ ਉਹ ਆਪਣੀ ਉਡਾਣ ਦੀ ਸਥਿਤੀ ਨਿਯਮਿਤ ਤੌਰ ‘ਤੇ ਚੈਕ ਕਰਨ ਅਤੇ ਪੁਸ਼ਟੀ ਤੋਂ ਬਿਨਾਂ ਹਵਾਈ ਅੱਡੇ ਨਾ ਜਾਣ।