ਲੁਧਿਆਣਾ ਈਸਟ ਵਿੱਚ ਆਬਕਾਰੀ ਵਿਭਾਗ ਦੀ ਛਾਪੇਮਾਰੀ ਨਾਜਾਇਜ਼ ਸ਼ਰਾਬ ਬਰਾਮਦ, ਮਾਮਲੇ ਚ ਕੇਸ ਦਰਜ

ਲੁਧਿਆਣਾ : ਉੱਚ ਅਧਿਕਾਰੀਆਂ ਦੇ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਅਤੇ ਲੁਧਿਆਣਾ ਈਸਟ ਰੇਂਜ ਵਿੱਚ ਨਾਜਾਇਜ਼, ਨਕਲੀ ਅਤੇ ਤਸਕਰੀ ਕੀਤੀ ਸ਼ਰਾਬ ‘ਤੇ ਰੋਕ ਲਗਾਉਣ ਦੇ ਉਦੇਸ਼ ਨਾਲ ਆਬਕਾਰੀ ਵਿਭਾਗ ਵੱਲੋਂ ਲਗਾਤਾਰ ਇਨਫੋਰਸਮੈਂਟ ਕਾਰਵਾਈਆਂ ਕੀਤੀਆਂ ਜਾ ਰਹੀਆਂ ਹਨ।

ਇਸ ਕੜੀ ਤਹਿਤ ਸਹਾਇਕ ਆਬਕਾਰੀ ਕਮਿਸ਼ਨਰ, ਲੁਧਿਆਣਾ ਈਸਟ ਡਾ. ਸ਼ਿਵਾਨੀ ਗੁਪਤਾ ਅਤੇ ਐਕਸਾਈਜ਼ ਅਫ਼ਸਰ ਸ਼੍ਰੀ ਵਿਕਾਸ ਭਾਟੇਜਾ ਦੀ ਸਿੱਧੀ ਨਿਗਰਾਨੀ ਹੇਠ, ਖੁਫ਼ੀਆ ਸੂਚਨਾ ਦੇ ਆਧਾਰ ‘ਤੇ 27 ਦਸੰਬਰ 2025 ਨੂੰ ਈਡਬਲਯੂਐਸ ਕਾਲੋਨੀ, ਲੁਧਿਆਣਾ ਦੇ ਮਕਾਨ ਨੰਬਰ 3434 ਵਿੱਚ ਆਬਕਾਰੀ ਵਿਭਾਗ ਅਤੇ ਪੁਲਿਸ ਵੱਲੋਂ ਸਾਂਝੀ ਛਾਪੇਮਾਰੀ ਕੀਤੀ ਗਈ।

ਇਹ ਛਾਪੇਮਾਰੀ ਐਨਫੋਰਸਮੈਂਟ ਇੰਸਪੈਕਟਰ ਅਮਨਦੀਪ ਸਿੰਘ ਵੱਲੋਂ ਥਾਣਾ ਡਿਵੀਜ਼ਨ ਨੰਬਰ 7 ਦੀ ਪੁਲਿਸ ਟੀਮ ਦੇ ਸਹਿਯੋਗ ਨਾਲ ਅਮਲ ਵਿੱਚ ਲਿਆਂਦੀ ਗਈ।

ਛਾਪੇਮਾਰੀ ਦੌਰਾਨ ਬਰਾਮਦਗੀ

ਛਾਪੇਮਾਰੀ ਦੌਰਾਨ ਮੌਕੇ ਤੋਂ 999 ਪਾਵਰ ਸਟਾਰ ਵਿਸਕੀ ਦੇ 4 ਕੇਸ (ਨਿਪਸ) ਬਰਾਮਦ ਕੀਤੇ ਗਏ। ਬਰਾਮਦ ਸ਼ਰਾਬ ‘ਤੇ ਕੋਈ ਵੀ ਕਿਊਆਰ ਕੋਡ ਮੌਜੂਦ ਨਹੀਂ ਸੀ। ਪ੍ਰਾਰੰਭਿਕ ਜਾਂਚ ਅਨੁਸਾਰ ਇਹ ਸ਼ਰਾਬ ਚੰਡੀਗੜ੍ਹ ਵਿੱਚ ਗੈਰ-ਕਾਨੂੰਨੀ ਤੌਰ ‘ਤੇ ਵਿਕਰੀ ਲਈ ਰੱਖੀ ਗਈ ਸੀ।

ਦੋਸ਼ੀ ਦੇ ਵੇਰਵੇ : ਨਾਮ: ਆਂਚਲ, ਪਤਨੀ ਟੋਨੀ, ਮਕਾਨ ਨੰਬਰ 3434, ਈ ਡਬਲਯੂ ਐਸ ਕਾਲੋਨੀ, ਲੁਧਿਆਣਾ, ਸਥਿਤੀ: ਛਾਪੇਮਾਰੀ ਦੌਰਾਨ ਮੌਕੇ ਤੋਂ ਫ਼ਰਾਰ

ਕਾਨੂੰਨੀ ਕਾਰਵਾਈ

ਇਸ ਸਬੰਧੀ ਥਾਣਾ ਡਿਵੀਜ਼ਨ ਨੰਬਰ 7, ਲੁਧਿਆਣਾ ਵਿੱਚ ਐਫਆਈਆਰ ਨੰਬਰ 340 ਮਿਤੀ 27/12/25 ਦਰਜ ਕੀਤੀ ਗਈ ਹੈ। ਦੋਸ਼ੀ ਦੀ ਭਾਲ ਅਤੇ ਅੱਗੇਲੀ ਜਾਂਚ ਪੁਲਿਸ ਵੱਲੋਂ ਜਾਰੀ ਹੈ।

ਵਿਭਾਗੀ ਬਿਆਨ

ਆਬਕਾਰੀ ਵਿਭਾਗ ਵੱਲੋਂ ਦੱਸਿਆ ਗਿਆ ਹੈ ਕਿ ਉੱਚ ਅਧਿਕਾਰੀਆਂ ਵੱਲੋਂ ਸਮੇਂ-ਸਮੇਂ ‘ਤੇ ਜਾਰੀ ਕੀਤੇ ਨਿਰਦੇਸ਼ਾਂ ਅਨੁਸਾਰ ਲੁਧਿਆਣਾ ਈਸਟ ਰੇਂਜ ਵਿੱਚ ਇਨਫੋਰਸਮੈਂਟ ਗਤੀਵਿਧੀਆਂ ਪੂਰੀ ਤਰ੍ਹਾਂ ਸਰਗਰਮ ਹਨ। ਨਾਜਾਇਜ਼, ਨਕਲੀ ਅਤੇ ਅੰਤਰਰਾਜੀ ਅਤੇ ਅੰਦਰੂਨੀ ਤਸਕਰੀ ਵਾਲੀ ਸ਼ਰਾਬ ਖ਼ਿਲਾਫ਼ ਅੱਗੇ ਵੀ ਕਾਨੂੰਨ ਅਨੁਸਾਰ ਸਖ਼ਤ ਕਾਰਵਾਈ ਜਾਰੀ ਰਹੇਗੀ।