ਝੁਨੀਰ ਦੇ ਧਿੰਗੜ ਜ਼ੋਨ ਤੋਂ ਆਮ ਆਦਮੀ ਪਾਰਟੀ ਦੇ ਗੁਰਪ੍ਰਤਾਪ ਸਿੰਘ ਨੇ 1390 ਵੋਟਾਂ ਨਾਲ ਜਿੱਤ ਪ੍ਰਾਪਤ ਕੀਤੀ

ਰਾਹੁਲ ਸਿੰਗਲਾ ਮਾਨਸਾ ਅਨੁਸਾਰ, " ਪੰਚਾਇਤ ਸੰਮਤੀ ਝੁਨੀਰ ਦੇ ਧਿੰਗੜ ਜ਼ੋਨ ਤੋਂ ਆਮ ਆਦਮੀ ਪਾਰਟੀ ਦੇ ਗੁਰਪ੍ਰਤਾਪ ਸਿੰਘ ਨੇ 1390 ਵੋਟਾਂ ਹਾਸਲ ਕਰਕੇ ਕਾਂਗਰਸ ਦੇ ਬਲਦੇਵ ਸਿੰਘ ਨੂੰ 619 ਵੋਟਾਂ ਦੇ ਵੱਡੇ ਅੰਤਰ ਨਾਲ ਹਰਾਇਆ। ਦਲੀਏਵਾਲੀ ਜ਼ੋਨ ਤੋਂ ਸ਼੍ਰੋਮਣੀ ਅਕਾਲੀ ਦਲ ਦੇ ਯਾਦਵਿੰਦਰ ਸਿੰਘ ਨੇ 861 ਵੋਟਾਂ ਲੈ ਕੇ ਆਪ ਦੇ ਅੰਗਰੇਜ ਸਿੰਘ ਨੂੰ 220 ਵੋਟਾਂ ਦੇ ਫ਼ਰਕ ਨਾਲ ਪਿੱਛੇ ਛੱਡਿਆ।

ਪੇਰੋਂ ਜ਼ੋਨ ਤੋਂ ਸ਼੍ਰੋਮਣੀ ਅਕਾਲੀ ਦਲ ਦੀ ਸਿਮਰਜੀਤ ਕੌਰ ਨੇ 1197 ਵੋਟਾਂ ਹਾਸਲ ਕਰਕੇ ਆਪ ਦੀ ਗੁਰਜੀਤ ਕੌਰ ਨੂੰ 452 ਵੋਟਾਂ ਦੇ ਅੰਤਰ ਨਾਲ ਹਰਾਇਆ। ਰਾਏਪੁਰ ਜ਼ੋਨ ਤੋਂ ਸ਼੍ਰੋਮਣੀ ਅਕਾਲੀ ਦਲ ਦੇ ਸ਼ਾਮ ਸਿੰਘ ਨੇ 1114 ਵੋਟਾਂ ਲੈ ਕੇ ਆਪ ਦੇ ਬਾਬੂ ਸਿੰਘ ਨੂੰ 148 ਵੋਟਾਂ ਨਾਲ ਹਰਾਇਆ। ਮਾਖਾ ਰਾਏਪੁਰ ਜ਼ੋਨ ਤੋਂ ਗੁਰਚੇਤ ਸਿੰਘ ਨੇ 1100 ਵੋਟਾਂ ਹਾਸਲ ਕਰਕੇ ਆਪ ਦੇ ਹਰਪ੍ਰੀਤ ਸਿੰਘ ਨੂੰ 79 ਵੋਟਾਂ ਦੇ ਫ਼ਰਕ ਨਾਲ ਮਾਤ ਦਿੱਤੀ।

ਟਾਂਡੀਆਂ ਜ਼ੋਨ ਤੋਂ ਸ਼੍ਰੋਮਣੀ ਅਕਾਲੀ ਦਲ ਦੀ ਰਾਜਿੰਦਰ ਕੌਰ ਨੇ 1082 ਵੋਟਾਂ ਲੈ ਕੇ ਆਪ ਦੀ ਸ਼ਿੰਦਰਪਾਲ ਕੌਰ ਨੂੰ 346 ਵੋਟਾਂ ਨਾਲ ਹਰਾਇਆ। ਉੱਲਕ ਜ਼ੋਨ ਤੋਂ ਸ਼੍ਰੋਮਣੀ ਅਕਾਲੀ ਦਲ ਦੀ ਹਰਪ੍ਰੀਤ ਕੌਰ ਨੇ 799 ਵੋਟਾਂ ਹਾਸਲ ਕਰਕੇ ਕਾਂਗਰਸ ਦੀ ਸੁਖਵੀਰ ਕੌਰ ਨੂੰ ਸਿਰਫ਼ 10 ਵੋਟਾਂ ਦੇ ਅੰਤਰ ਨਾਲ ਹਰਾਇਆ।

ਬੀਰੇਵਾਲਾ ਜੱਟਾਂ ਜ਼ੋਨ ਤੋਂ ਕਾਂਗਰਸ ਦੀ ਸੁਖਜਿੰਦਰ ਕੌਰ ਨੇ 984 ਵੋਟਾਂ ਲੈ ਕੇ ਆਪ ਦੀ ਪਰਮਜੀਤ ਕੌਰ ਨੂੰ 49 ਵੋਟਾਂ ਨਾਲ ਪਿੱਛੇ ਛੱਡਿਆ। ਕੋਟਧਰਮੂ ਜ਼ੋਨ ਤੋਂ ਆਪ ਦੇ ਅਜੈਬ ਸਿੰਘ ਨੇ 1046 ਵੋਟਾਂ ਹਾਸਲ ਕਰਕੇ ਸ਼੍ਰੋਮਣੀ ਅਕਾਲੀ ਦਲ ਦੇ ਹਰਵਿੰਦਰ ਸਿੰਘ ਨੂੰ 23 ਵੋਟਾਂ ਦੇ ਫ਼ਰਕ ਨਾਲ ਹਰਾਇਆ।

ਫ਼ਤਿਹਪੁਰ ਜ਼ੋਨ ਤੋਂ ਆਪ ਦੀ ਬਲਜਿੰਦਰ ਕੌਰ ਨੇ 1076 ਵੋਟਾਂ ਲੈ ਕੇ ਕਾਂਗਰਸ ਦੀ ਜਸਵਿੰਦਰ ਕੌਰ ਨੂੰ 383 ਵੋਟਾਂ ਨਾਲ ਹਰਾਇਆ, ਜਦਕਿ ਬਾਜੇਵਾਲਾ ਜ਼ੋਨ ਤੋਂ ਕਾਂਗਰਸ ਦੇ ਜਰਨੈਲ ਸਿੰਘ ਨੇ 1113 ਵੋਟਾਂ ਹਾਸਲ ਕਰਕੇ ਸ਼੍ਰੋਮਣੀ ਅਕਾਲੀ ਦਲ ਦੇ ਦਰਸ਼ਨ ਸਿੰਘ ਨੂੰ 30 ਵੋਟਾਂ ਦੇ ਅੰਤਰ ਨਾਲ ਹਰਾਇਆ।