ਬਾਦਸ਼ਾਹ ਦੀ ਲੰਡਨ ਵਿੱਚ ਧਮਾਕੇਦਾਰ ਐਂਟਰੀ, ਹੋਵੇਗਾ ਇਤਿਹਾਸਕ ਕਾਂਸਰਟ

ਭਾਰਤੀ ਰੈਪਸਟਾਰ ਬਾਦਸ਼ਾਹ 22 ਮਾਰਚ 2026 ਨੂੰ ਲੰਡਨ ਦੇ ਮਸ਼ਹੂਰ O2 ਅਰੀਨਾ ਵਿੱਚ ਆਪਣਾ ਇਤਿਹਾਸਕ ਕਾਂਸਰਟ ਕਰਨ ਜਾ ਰਿਹਾ ਹੈ। ਇਸ ਮੁਕਾਮ ਨਾਲ ਬਾਦਸ਼ਾਹ ਉਹ ਪਹਿਲਾ ਭਾਰਤੀ ਰੈਪਰ ਬਣੇਗਾ ਜੋ ਇਸ ਗਲੋਬਲ ਪਲੇਟਫਾਰਮ 'ਤੇ ਪ੍ਰਦਰਸ਼ਨ ਕਰੇਗਾ।

ਇਹ ਸ਼ੋਅ TCO Group, TM Ventures ਅਤੇ Rock On Music ਦੀ ਸਾਂਝੀ ਪ੍ਰੋਡਕਸ਼ਨ ਹੈ, ਜੋ ਇਸਨੂੰ ਇੱਕ ਵੱਡੇ ਅੰਤਰਰਾਸ਼ਟਰੀ ਸੰਗੀਤਕ ਇਵੈਂਟ ਵਜੋਂ ਪੇਸ਼ ਕਰ ਰਹੇ ਹਨ।

ਇਸ ਕਾਂਸਰਟ ਨੂੰ ਬਾਦਸ਼ਾਹ ਦੇ ਸੰਗੀਤਕ ਸਫ਼ਰ ਦੀ ਸ਼ਾਨਦਾਰ ਪੇਸ਼ਕਸ਼ ਦੱਸਿਆ ਜਾ ਰਿਹਾ ਹੈ। Organisers ਦੇ ਅਨੁਸਾਰ, ਫੈਨਜ਼ ਨੂੰ ਤਿੰਨ ਘੰਟਿਆਂ ਦਾ ਧਮਾਕੇਦਾਰ ਲਾਈਵ ਸ਼ੋਅ ਮਿਲੇਗਾ, ਜਿੱਥੇ ਬਾਦਸ਼ਾਹ ਆਪਣੇ ਟੌਪ ਚਾਰਟਬਸਟਰ, ਫੈਨ ਫੇਵਰਿਟ ਅਤੇ ਨਵੇਂ ਐਂਥਮ ਪੇਸ਼ ਕਰੇਗਾ।

ਬਾਦਸ਼ਾਹ ਨੇ ਇਸ ਮੌਕੇ ਨੂੰ ਕੈਰੀਅਰ ਦਾ ਭਾਵਨਾਤਮਕ ਪਲ ਦੱਸਿਆ। ਉਸਨੇ ਕਿਹਾ —
“ਇਹ ਸੁਪਨਾ ਮੈਂ ਸਾਲਾਂ ਤੋਂ ਜੀਵਿਆ ਹੈ। ਦੇਸੀ ਹਿਪ ਹੌਪ ਨੂੰ ਵਿਦੇਸ਼ੀ ਸਟੇਜ ਦੀ ਲੋੜ ਸੀ, ਅਤੇ ਇਹ ਸ਼ੋਅ ਉਸੇ ਦਾ ਪ੍ਰਘਟਾਵਾ ਹੈ। ਲੰਡਨ, ਅਸੀਂ ਇਕਠੇ ਇਤਿਹਾਸ ਰਚਣ ਜਾ ਰਹੇ ਹਾਂ। ਇਹ ਰਾਤ ਯਾਦਗਾਰ ਹੋਵੇਗੀ।”

ਟਿਕਟਾਂ ਦੀ ਬੁਕਿੰਗ 12 ਦਸੰਬਰ 2025 ਤੋਂ ਸ਼ੁਰੂ ਹੋਵੇਗੀ, ਜਿਸਦਾ ਬੇਸਬਰੀ ਨਾਲ ਇੰਤਜ਼ਾਰ ਕੀਤਾ ਜਾ ਰਿਹਾ ਹੈ।

TCO Group ਦੇ ਮੈਨੇਜਿੰਗ ਡਾਇਰੈਕਟਰ ਨੀਲ ਕਾਰੀਆ ਨੇ ਦੱਸਿਆ ਕਿ ਇਹ ਮੌਕਾ ਦੱਖਣੀ ਏਸ਼ੀਆਈ ਸੰਗੀਤ ਲਈ ਵੱਡੀ ਜਿੱਤ ਹੈ। ਬਾਦਸ਼ਾਹ ਦੀ ਲੋਕਪ੍ਰਿਯਤਾ ਅਤੇ ਗਲੋਬਲ ਅਪੀਲ ਇਸ ਇਵੈਂਟ ਨੂੰ ਇੱਕ ਇਤਿਹਾਸਕ ਮੋੜ ਬਣਾਉਂਦੀ ਹੈ।

TM Ventures ਦੇ ਕੋ-ਫਾਊਂਡਰ ਅਲਾਪ ਗੋਸ਼ਰ ਨੇ ਕਿਹਾ ਕਿ ਬਾਦਸ਼ਾਹ ਨੇ ਸੰਗੀਤ ਵਿੱਚ ਵੱਡੀ ਮਿਹਨਤ ਅਤੇ ਖੂਬ ਰਚਨਾਤਮਕਤਾ ਦਿਖਾਈ ਹੈ, ਅਤੇ ਇਹ ਕਾਂਸਰਟ ਉਸਦੇ ਸਫ਼ਰ ਦੀ ਸ਼ਾਨਦਾਰ ਕਮਾਈ ਹੈ।

ਲੰਡਨ ਦੇ O2 ਅਰੀਨਾ ਵਿੱਚ ਇਸ ਤੋਂ ਪਹਿਲਾਂ ਅਰਜੀਤ ਸਿੰਘ ਅਤੇ ਦਿਲਜੀਤ ਦੋਸਾਂਝ ਵਰਗੇ ਸਿਤਾਰੇ ਵੀ ਸ਼ੋਅ ਕਰ ਚੁੱਕੇ ਹਨ, ਪਰ ਬਾਦਸ਼ਾਹ ਦਾ ਪ੍ਰਦਰਸ਼ਨ ਭਾਰਤੀ ਹਿਪ ਹੌਪ ਲਈ ਇਕ ਨਵਾਂ ਅਧਿਆਇ ਸਾਬਤ ਹੋਵੇਗਾ।