ਅੰਡਰ-19 ਏਸ਼ੀਆ ਕੱਪ: ਭਾਰਤ ਨੇ ਪਾਕਿਸਤਾਨ ਨੂੰ 90 ਦੌੜਾਂ ਨਾਲ ਹਰਾਇਆ, ਟੀਮਾਂ ਨੇ ਹੱਥ ਨਹੀਂ ਮਿਲਾਏ

ਦੁਬਈ: ਅੰਡਰ-19 ਏਸ਼ੀਆ ਕੱਪ ਦੇ ਗਰੁੱਪ ‘ਏ’ ਮੁਕਾਬਲੇ ਵਿੱਚ ਭਾਰਤ ਨੇ ਆਪਣੀ ਤਾਕਤ ਦਿਖਾਈ ਅਤੇ ਰਵਾਇਤੀ ਵਿਰੋਧੀ ਪਾਕਿਸਤਾਨ ਨੂੰ 90 ਦੌੜਾਂ ਨਾਲ ਹਰਾ ਦਿੱਤਾ। ਭਾਰਤੀ ਟੀਮ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ 46.1 ਓਵਰਾਂ ਵਿੱਚ 240 ਦੌੜਾਂ ਬਣਾਈਆਂ। ਇਸ ਦੌਰਾਨ ਐਰੋਨ ਜੌਰਜ ਨੇ 85 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡੀ ਅਤੇ ਕਨਿਸ਼ਕ ਚੌਹਾਨ ਨੇ ਹੇਠਲੇ ਕ੍ਰਮ ਵਿੱਚ 46 ਦੌੜਾਂ ਜੋੜ ਕੇ ਟੀਮ ਨੂੰ ਮਜ਼ਬੂਤ ਸਥਿਤੀ ਵਿੱਚ ਪਹੁੰਚਾਇਆ। ਕਪਤਾਨ ਆਯੁਸ਼ ਮਹਾਤਰੇ ਨੇ ਵੀ 38 ਦੌੜਾਂ ਦਾ ਯੋਗਦਾਨ ਦਿੱਤਾ।

ਪਾਕਿਸਤਾਨ ਦੀ ਟੀਮ ਟੀਚੇ ਦਾ ਪਿੱਛਾ ਕਰਦਿਆਂ ਦਬਾਅ ਵਿੱਚ ਨਜ਼ਰ ਆਈ ਅਤੇ ਲਗਾਤਾਰ ਵਿਕਟਾਂ ਗੁਆਉਂਦੀ ਰਹੀ। ਭਾਰਤੀ ਗੇਂਦਬਾਜ਼, ਦੇਵੇਂਦਰਨ (3/16) ਅਤੇ ਕਨਿਸ਼ਕ ਚੌਹਾਨ (3/33), ਨੇ ਸ਼ਾਨਦਾਰ ਬੋਲਿੰਗ ਕਰਕੇ ਪਾਕਿਸਤਾਨੀ ਬੱਲੇਬਾਜ਼ਾਂ ਨੂੰ ਟਿਕਣ ਨਹੀਂ ਦਿੱਤਾ। ਪਾਕਿਸਤਾਨੀ ਟੀਮ ਸਿਰਫ 41.2 ਓਵਰਾਂ ਵਿੱਚ 150 ਦੌੜਾਂ ‘ਤੇ ਆਉਂਦੀ ਰਹੀ। ਹਜ਼ੈਫ਼ਾ ਅਹਿਸਨ ਨੇ 70 ਦੌੜਾਂ ਬਣਾਈਆਂ, ਜਦਕਿ ਕਪਤਾਨ ਫਰਹਾਨ ਯੂਸਫ਼ ਸਿਰਫ 23 ਦੌੜਾਂ ‘ਤੇ ਰੁਕੇ।

ਇਸ ਮੈਚ ਦੌਰਾਨ ਦੋਵਾਂ ਟੀਮਾਂ ਨੇ ਟਾਸ ਅਤੇ ਮੈਚ ਖਤਮ ਹੋਣ ‘ਤੇ ਇੱਕ ਦੂਜੇ ਨਾਲ ਹੱਥ ਨਹੀਂ ਮਿਲਾਏ। ਇਹ ਰੁਝਾਨ ਭਾਰਤੀ ਸੀਨੀਅਰ ਟੀਮ ਨੇ ਪੁਰਸ਼ ਏਸ਼ੀਆ ਕੱਪ 2025 ਵਿੱਚ ਸ਼ੁਰੂ ਕੀਤਾ ਸੀ। ਉਸ ਵੇਲੇ ਭਾਰਤੀ ਖਿਡਾਰੀਆਂ ਨੇ ਪੀ ਸੀ ਬੀ ਚੇਅਰਮੈਨ ਤੋਂ ਟਰਾਫੀ ਲੈਣ ਤੋਂ ਇਨਕਾਰ ਕੀਤਾ ਸੀ। ਇਸ ਜੂਨੀਅਰ ਮੈਚ ਵਿੱਚ ਵੀ ਉਹੀ ਪ੍ਰੋਟੋਕੋਲ ਫਾਲੋ ਕੀਤਾ ਗਿਆ।

ਮੈਚ ਦੇ ਜਿੱਤ ਨਾਲ ਭਾਰਤੀ ਅੰਡਰ-19 ਟੀਮ ਨੇ ਟੂਰਨਾਮੈਂਟ ਵਿੱਚ ਆਪਣੀ ਚੜ੍ਹਤ ਜਾਰੀ ਰੱਖੀ ਹੈ ਅਤੇ ਅਗਲੇ ਮੁਕਾਬਲਿਆਂ ਲਈ ਉਤਸ਼ਾਹਤ ਨਜ਼ਰ ਆ ਰਹੀ ਹੈ।