Sunita Williams Retires: ਭਾਰਤੀ ਮੂਲ ਦੀ ਪੁਲਾੜ ਯਾਤਰੀ ਸੁਨੀਤਾ ਵਿਲੀਅਮਜ਼ ਨੇ 27 ਸਾਲਾਂ ਦਾ ਸਪੇਸ ਕਰੀਅਰ ਪੂਰਾ ਕੀਤਾ

ਭਾਰਤੀ ਮੂਲ ਦੀ ਨਾਸਾ ਪੁਲਾੜ ਯਾਤਰੀ ਸੁਨੀਤਾ ਵਿਲੀਅਮਜ਼ ਨੇ 27 ਦਸੰਬਰ 2025 ਨੂੰ ਸੇਵਾਮੁਕਤੀ ਲੈ ਕੇ ਆਪਣੇ 27 ਸਾਲਾਂ ਦੇ ਪ੍ਰਸਿੱਧ ਕਰੀਅਰ ਦਾ ਅੰਤ ਕੀਤਾ। ਨਾਸਾ ਵੱਲੋਂ ਦੱਸਿਆ ਗਿਆ ਕਿ ਉਹਨਾਂ ਦਾ ਆਖਰੀ ਮਿਸ਼ਨ ਬੋਇੰਗ ਸਟਾਰਲਾਈਨਰ ’ਤੇ ਸੀ, ਜੋ ਤਕਨੀਕੀ ਮੁਸ਼ਕਲਾਂ ਕਾਰਨ 10 ਦਿਨਾਂ ਦੀ ਬਜਾਏ ਲਗਭਗ 9 ਮਹੀਨੇ ਤਕ ਚੱਲਿਆ, ਜਿਸ ਨੇ ਸਪੇਸ ਇਤਿਹਾਸ ਵਿੱਚ ਆਪਣਾ ਨਾਮ ਦਰਜ ਕਰਵਾਇਆ।

ਸੁਨੀਤਾ ਨੇ ਆਪਣੇ ਕਰੀਅਰ ਦੌਰਾਨ 3 ਵੱਡੇ ਪੁਲਾੜ ਮਿਸ਼ਨ ਪੂਰੇ ਕੀਤੇ। ਪਹਿਲਾ ਮਿਸ਼ਨ 2006 ਵਿੱਚ ਸਪੇਸ ਸ਼ਟਲ ਡਿਸਕਵਰੀ ’ਤੇ ਸੀ, ਜਦਕਿ ਦੂਜਾ 2012 ਵਿੱਚ ਕਜ਼ਾਕਿਸਤਾਨ ਤੋਂ ਸ਼ੁਰੂ ਹੋਇਆ, ਜਿਸ ਦੌਰਾਨ ਉਹਨਾਂ ਨੇ ਅੰਤਰਰਾਸ਼ਟਰੀ ਪੁਲਾੜ ਸਟੇਸ਼ਨ ਵਿੱਚ ਜ਼ਰੂਰੀ ਤਕਨੀਕੀ ਮੁਰੰਮਤ ਕੀਤੀ। 2024 ਵਿੱਚ ਉਨ੍ਹਾਂ ਨੇ ਆਪਣੇ ਤੀਜੇ ਅਤੇ ਸਭ ਤੋਂ ਲੰਬੇ ਮਿਸ਼ਨ ਦੀ ਸ਼ੁਰੂਆਤ ਕੀਤੀ ਜੋ ਮਾਰਚ 2025 ਵਿੱਚ ਖਤਮ ਹੋਇਆ।

ਉਨ੍ਹਾਂ ਨੇ ਪੁਲਾੜ ਵਿੱਚ ਕੁੱਲ 608 ਦਿਨ ਬਿਤਾਏ ਜੋ ਕਿ ਕਿਸੇ ਵੀ ਨਾਸਾ ਪੁਲਾੜ ਯਾਤਰੀ ਵੱਲੋਂ ਬਿਤਾਇਆ ਗਿਆ ਦੂਜਾ ਸਭ ਤੋਂ ਲੰਬਾ ਸਮਾਂ ਹੈ। ਇਸ ਸਮੇਂ ਦੌਰਾਨ ਉਹਨਾਂ ਨੇ ਵਿਗਿਆਨਕ ਪ੍ਰਯੋਗਾਂ ਅਤੇ ਸਟੇਸ਼ਨ ਸੰਚਾਲਨ ਵਿੱਚ ਮੁੱਖ ਭੂਮਿਕਾ ਨਿਭਾਈ।

ਸੁਨੀਤਾ ਦਾ ਭਾਰਤੀ ਮੂਲ ਹੈ, ਕਿਉਂਕਿ ਉਹਨਾਂ ਦੇ ਪਿਤਾ ਗੁਜਰਾਤ ਦੇ ਮਹਿਸਾਣਾ ਜ਼ਿਲ੍ਹੇ ਤੋਂ ਸਨ। ਨਾਸਾ ਨੇ ਉਨ੍ਹਾਂ ਦੇ ਯੋਗਦਾਨ ਨੂੰ ਇਤਿਹਾਸਕ ਅਤੇ ਪ੍ਰੇਰਣਾਦਾਇਕ ਦੱਸਿਆ ਹੈ। ਰਿਟਾਇਰਮੈਂਟ ਤੋਂ ਬਾਅਦ, ਸੁਨੀਤਾ ਕਹਿੰਦੀ ਹਨ ਕਿ ਉਹ ਖਾਲੀ ਸਮੇਂ ਵਿੱਚ ਹਾਈਕਿੰਗ, ਕੈਂਪਿੰਗ ਅਤੇ ਤਕਨੀਕੀ ਕੰਮਾਂ ਦਾ ਆਨੰਦ ਮਾਣਣਗੀਆਂ।

ਇਹ ਸਫਰ ਇੱਕ ਸਫਲਤਾ ਦੀ ਮਿਸਾਲ ਹੈ ਜੋ ਨਵੀਂ ਪੀੜ੍ਹੀ ਲਈ ਪ੍ਰੇਰਣਾ ਦਾ ਸਰੋਤ ਬਣੇਗਾ।